قايرات نۇرتاس فيلمگە كاستينگ جاريالادى

 استانا. قازاقپارات - قايرات نۇرتاس ءوزى تۇسىرەتىن فيلمگە كاستينگ جاريالادى. ول ءارتۇرلى جاستاعى اكتەرلەردى ىزدەستىرۋدە. بۇل تۋرالى Stan.kz حابارلايدى.

ءانشى «KN production» پروديۋسەرلىك ورتالىعى تۇسىرەتىن دەرەكتى فيلمگە دارىندىلاردى ىزدەستىرىپ جاتىر. كاستينگ تەك بىرنەشە ساعاتقا سوزىلادى. باعىن سىناپ كورگىسى كەلەتىندەر بۇگىن، ياعني 17 - ناۋرىز كۇنى ساعات 14.00 مەن 18.00 ارالىعىندا الماتىداعى قوناق ۇيلەردىڭ بىرىنە بارۋى ءتيىس.

وعان ۇلتى قازاق بولىپ تابىلاتىن 20-30 جاس ارالىعىنداعى ەرلەر، سونداي- اق 30-45 جاس ارالىعىنداعى ايەلدەر قاتىسا الادى. بۇدان بولەك، 18 بەن 25 جاس ارالىعىنداعى قىز- جىگىتتەردىڭ ءوز باعىن سىناپ كورۋگە مۇمكىندىگى بار.

فيلم ءتۇسىرىلىمى كەلەسى ايدا باستالادى.

ەستە بولسا، وتكەن جىلى قايرات نۇرتاس ءوزىنىڭ جەكە ءومىرىنىڭ قۇپياسىن فيلم ارقىلى اشاتىنىن جاريا ەتكەن بولاتىن. ونى بۇل قادامعا ونەردەگى ارىپتەستەرى يتەرمەلەگەن.