قازاقستاندىق پروكاتقا «سۇلۋ مەن قۇبىجىق» فيلمى نەلىكتەن شىقپادى؟
ايتا كەتەيىك، بۇل فيلم قازاقستاندىق پروكاتقا رەسمي تۇردە 2017 -جىلدىڭ 16 -ناۋرىزىندا شىعۋ كەرەك بولاتىن. بەلگىلى بولعانداي، ميۋزيكل ءالى كۇنگە دەيىن پروكاتقا شىعارۋ كۋالىگىن الماعان. بۇل قۇجاتتى ق ر مادەنيەت جانە سپورت مينيسترلىگى بەرۋى ءتيىس ەكەن. الايدا ۆەدومستۆوداعىلار «سۇلۋ مەن قۇبىجىق» فيلمىنە قاتىستى شەشىم قابىلداماعان بولىپ شىقتى. مينيسترلىكتەگىلەردىڭ ايتۋىنشا، فيلمدى پروكاتقا شىعارۋ ءۇشىن بەرىلەتىن كۋالىك ءالى كۇنگە دەيىن بەرىلمەگەن جانە زاڭ بويىنشا ولار بۇل ءوتىنىشتى جەتى كۇن ىشىندە قاراستىرادى ەكەن. «مەلومان» باس ديرەكتورى ۆاديم گولەنكونىڭ ايتۋىنشا، قازىرگى ۋاقىتتا فيلمگە رۇقسات الۋ ءۇشىن بارلىق شارا قولدانىلىپ جاتىر. «كەيبىر قازاقستاندىق ب ا ق- تاردىڭ مالىمەتىنشە، فيلمدى گوموسەكسۋاليزمدى ناسيحاتتاعانى ءۇشىن پروكاتقا شىعارماي جاتىر.
ءبىز Disney c ستۋدياسىنا ءوتىنىش جىبەردىك. ياعني، ءبىز ولاردان رەسەيلىك ساراپشىلاردىڭ فيلمنىڭ گوموسەكسۋاليزمدى ناسيحاتتامايتىنى جايلى قورىتىندىنى جىبەرۋدى سۇرادىق. قازىرگى ۋاقىتتا ءبىز مادەنيەت مينيسترلىگىندەگىلەر مەن عىلىمي- زەرتتەۋ ينستيۋتىنداعىلارمەن بايلانىستامىز. وسى اپتانىڭ سوڭىنا دەيىن قانداي دا ءبىر شەشىم قابىلدانۋى قاجەت. كارتينانىڭ بارلىق نۇسقاسى كينوتەاترلاردا دايىن تۇر»، - دەدى كومپانيا ديرەكتورى.
سونداي- اق، گولەنكو رەسەيدىڭ قازىرگى ۋاقىتتا فيلمدى 16+ يندەكسىمەن شىعارۋعا رۇقسات بەرگەنىن ايتىپ ءوتتى. ول مينيسترلىكتىڭ وسى فيلمدى 12+ يندەكسىمەن شىعارۋعا رۇقسات بەرەدى دەپ سەنەدى.
«قازاقستاندىقتاردىڭ وسى فيلمدى كورۋى ءبىز ءۇشىن وتە ماڭىزدى. ونىمەن قوسا، ءبىز ءفيلمدى ناۋرىز مەيرامىنا قاراي دايىنداعان ەدىك. فيلم پروكاتقا شىعادى دەگەن سەنىمدەمىز، ءبىراق كەشىرەك شىعۋى مۇمكىن. اپتانىڭ سوڭىندا دەيىن پروكاتقا شىعارۋ كۋالىگىن الامىز دەپ سەنەمىن»، - دەدى باس ديرەكتور. ەسكە سالا كەتەيىك، وسىعان دەيىن ەلىمىزدە «سۇلۋ مەن قۇبىجىق» داۋلى فيلمىن بالالارعا كورسەتۋگە تىيىم سالىنۋى مۇمكىن ەكەنى حابارلانعان بولاتىن. «مەلومان» كومپانياسىنان كەشە، 14 -ناۋرىزدا تۇستەن كەيىنگى ۋاقىتتا ءوتىنىش كەلىپ ءتۇستى. فيلمنىڭ اتىشۋلى بولعانىن ەسەپكە الىپ، فيلمنىڭ تانىستىرىلىمىنا مينيسترلىك قىزمەتكەرلەرى قاتىسادى، ولار كورىپ شىققاننان كەيىن شەشىم شىعارادى، - دەگەن ەدى جامانقۇلوۆتىڭ ءىسى بويىنشا سوتتىڭ ۇزىلىسىندە ق ر مادەنيەت جانە سپورت مينيسترلىگىنىڭ مادەنيەت جانە ونەر ىستەرى جونىندەگى دەپارتامەنت باسشىسىنىڭ ورىنباسارى كۇمىس سەيىتوۆا.
