10:34, 17 - ناۋرىز 2017 | GMT +5
قازاقستاندىق موبيلدى قوسىمشا ا ق ش پەن ۇلى بريتانيادا ىسكە قوسىلدى
استانا. قازاقپارات - قازاقستاندا جاسالعان Infogram موبيلدى قوسىمشاسى ا ق ش پەن ۇلى بريتانيادا كەشە ىسكە قوسىلدى، دەپ جازادى BNews.kz.
بۇرىن بۇل قوسىمشا ت م د ەلدەرى مەن كيپردە ىسكە قوسىلعان. ناۋرىزدىڭ سوڭىنا دەيىن ءۇندىستان، گونكونگ پەن سينگاپۋردا قولجەتىمدى بولماق.
Infogram موبيلدى قوسىمشاسى 2016-جىلدىڭ 1- قىركۇيەگىندە پايدا بولعان ەدى. قازىرگى تاڭدا قوسىمشانىڭ 100 مىڭنان استام قولدانۋشىسى بار.
قوسىمشانىڭ بارلىق اپپاراتتىق كەشەنى الماتىداعى سەرۆەردە ورنالاسقان.
Infogram قوسىمشاسى موبيلدى تەلەفون ەكرانىنداعى اقپاراتتىق گرافيكا. ونىڭ كومەگىمەن ناقتى ۋاقىت بويىنشا پايدالى اقپاراتتار الا الادى.
