جاپونيادا سەلفيگە ءتۇسۋ ءۇشىن جالعا بەرىلەتىن دوستار قىزمەتى پايدا بولدى
Family Romance وكىلدەرى بۇل قىزمەتتىڭ الەۋمەتتىك جەلىلەردە تانىمال بولعىسى جالعىزباستى جاندار اراسىندا سۇرانىسقا يە بولارىنا سەنىمدى.
Family Romance «اگەنتتەر» دەپ اتايتىن اكتەرلەردى كومپانيا كاتالوگىنان تاڭداۋعا بولادى. ءار اكتەردىڭ قىزمەتى $73 دوللارعا باعالانادى. فوتوسەسسيانىڭ ورتاشا ۋاقىتى ەكى ساعات.
بۇل ۋاقىتتا كليەنت ارتىستەرمەن بىرگە شەكتەۋسىز فوتوسۋرەتتەرگە تۇسە الادى جانە ولاردى كەز كەلگەن الەۋمەتتىك جەلىدە جاريالاۋ قۇقىعى بار.
كوبىرەك لايك جيناۋ ءۇشىن كومپانيا فوتولاردى Instagram, Facebook جانە Twitter جەلىسىنە جاريالاۋعا كەڭەس بەرەدى.
كومپانيا قىزمەتىن پايدالانعاندار سايتىنا جاعىمدى پىكىر جازىپ ۇلگەردى. «مەن Family Romance كومپانياسىنان ون اكتەردى جالعا الىپ، توكيونىڭ تانىمال قوناق ۇيىندە تۋعان كۇنىمدى تويلادىق. تۇنگى قالانىڭ كوز تويماس كورىنىسىنە قاراپ وتىرىپ، ءبىر-ەكى بوكال شاراپ ىشتىك. سودان كەيىن نومىرگە بارىپ، تاعى دا ىشتىك. ولار ماعان ۇلكەن تورت سىيلادى، مەن كوپ سەلفي جاسادىم»، - دەپ جازدى كليەنتتەردىڭ ءبىرى.
