اقتاۋدا مەكتەپ وقۋشىسى ناشار كورەتىن جاندار ءۇشىن ارنايى تاقيا ويلاپ تاپتى
ول ءوزىنىڭ جاڭالىعىن نازاربايەۆ زياتكەرلىك مەكتەپتەرى وقۋشىلارى اراسىندا وتەتىن عىلىمي جۇمىستاردىڭ رەسپۋبليكالىق بايقاۋىندا ۇسىنباق، دەپ حابارلايدى lada.kz.
مۇنداي جاڭالىقتى ويلاپ تابۋ تۋرالى وي ءساتتىعاليعا اتاسىنىڭ ۇيىنە اۋىلعا بارعان كەزدە پايدا بولىپتى.
ول اۋىلدا ءوزىنىڭ اعاسىنىڭ ناشار كورۋىنىڭ سالدارىنان ىلعي كەدەرگىلەرگە تاپ بولا بەرەتىنىن كورەدى.
اقتاۋعا كەلگەن سوڭ جوعارى سىنىپ وقۋشى روبوت جاساۋ تەحنيكاسى مۇعالىمىنىڭ كەڭەسىن تىڭداي وتىرىپ، تاقياعا كەدەرگىلەردى بايقاپ ەسكەرتىپ وتىراتىن ارنايى قوزعالىس قۇرىلعىسىن ورناتادى.
بۇل قۇرىلعى الدىدا كەزدەسەتىن كەدەرگىلەردى دىبىس ارقىلى تاقيانىڭ يەسىنە جەتكىزىپ وتىرماق. بيىلعى جىلدىڭ ءساۋىر ايىندا ءساتتىعالي ءوزىنىڭ جولداستارىمەن بىرگە رەسپۋبليكالىق بايقاۋعا قاتىسۋعا بارماق.
وندا قازاقستاننىڭ بارلىق ايماقتارىنداعى نازاربايەۆ زياتكەرلىك مەكتەپتەرىنىڭ وقۋشىلارى وزدەرىنىڭ عىلىمي جوبالارىن ۇسىنادى. ءساتتىعالي بيىل 12 سىنىپتى اياقتايدى. مەكتەپ بىتىرگەن سوڭ ول جوعارى وقۋ ورنىنىڭ گەوفيزيكا فاكۋلتەتىنە وقۋعا تۇسپەكشى.
اۆتور: ايدار وسپاناليەۆ
