ۆولەيبول: «التاي» كومانداسى ەكىنشى مارتە قاتارىنان ەل چەمپيونى اتاندى

استانا. قازاقپارات - ۆولەيبولدان ەرلەردىڭ ۇلتتىق ليگا كوماندالارى اراسىندا ەل بىرىنشىلىگىنىڭ وسكەمەن قالاسىندا ءوتىپ جاتقان سوڭعى تۋرىندا جەرگىلىكتى «التاي» كلۋبى بۇگىن قالعان ويىنداردىڭ ناتيجەسىنە قاراماستان، ەكىنشى مارتە قاتارىنان ەل چەمپيونى اتاندى،

 دەپ حابارلايدى «قازاقپارات» ح ا ا ءتىلشىسى.

«قازسپورت» تەلەارناسىنان تىكەلەي ەفيردە كورسەتكەنىندەي، يگور نيكولچەنكو جاتتىقتىراتىن وسكەمەندىكتەر «بۋريەۆەستنيك- الماتى» كومانداسىن 3:0 ەسەبىمەن ونشا قينالماي، ۇتتى. ءسويتىپ 18- ناۋرىزدا مارەگە جەتەتىن قورىتىندى تۋردا «التاي» كۇنى بۇرىن ۇزدىك اتانسا، كۇمىس جانە قولا جۇلدە ءۇشىن «پاۆلودار»، «اتىراۋ» جانە «ت ن ك «كازحروم» (حرومتاۋ) كوماندالارى تالاسۋدا.

ايتا كەتەيىك، كەزىندە ەل چەمپيونى، قازاقستان كۋبوگىنىڭ يەگەرى، حالىقارالىق تۋرنيرلەردىڭ جەڭىمپاز- جۇلدەگەرى بولعان ورالدىڭ «كوندەنسات» كلۋبى «كوندەنسات» كومپانيالار توبى دەمەۋشىلىكتەن باس تارتقاننان كەيىن 2015 -جىلى تاراپ كەتكەن بولاتىن. سوعان بايلانىستى «كوندەنساتتا» ءوزى ويناپ ءارى ونى ءبىراز جىل جاتتىقتىرعان يگور نيكولچەنكو تاڭداۋلى ۆولەيبولشىلارمەن بىرگە وسكەمەننىڭ «التاي» كومانداسىنا كەتىپ، وتكەن جىلى چەمپيوندىق اتاققا قول جەتكىزگەن ەدى. قازىرگى كەزدە «التايدىڭ» نەگىزگى قۇرامىندا ورال ۆولەيبولىنىڭ تۇلەكتەرى، كوپتەن بەرى قازاقستان نامىسىن قورعاپ جۇرگەن شابۋىلشى ۆيتالي ۆوريۆودين، سونداي- اق ليبەرو- ويىنشى ميرلان باداشيەۆ الاڭعا شىعىپ ءجۇر.

 اۆتور: ەلجان ەرالى