22:03, 16 - ناۋرىز 2017 | GMT +5
ديماش قۇدايبەرگەن كەلەسى كەزەڭدە ءوز ءانىن ورىندايدى
استانا. قازاقپارات - قىتايدىڭ «Singer 2017» ءان بايقاۋىنا قاتىسىپ جاتقان قازاقستاندىق ءانشى ديماش قۇدايبەرگەن ونىنشى كەزەڭدە و. بايسەڭگىردىڭ سوزىنە جازىلعان ءوز ءانى «ۇمىتىلماس كۇن» ءانىن ورىندايدى، دەپ حابارلايدى قازاقپارات.
ايتا كەتەيىك، ديماش بايقاۋدىڭ توعىز كەزەڭىن ارتتا قالدىرىپ، بارلىعىنان سۇرىنبەي ءوتتى. ونىنشى كەزەڭنەن كەيىن جارىس جولىنان شىعىپ قالعان انشىلەرگە جۇباتۋ باسەكەسى بولادى. فينال ەكى كەزەڭگە ءبولىنىپ، سوڭعى فينال تىكەلەي ەفيردەن كورسەتىلەدى. ال ديماشتىڭ Sina weibo الەۋمەتتىك جەلىسىنە تىركەلگەن جانكۇيەرلەر سانى 3 ميلليوننان استى.
ەسكە سالا كەتەيىك، ديماش توعىزىنشى كەزەڭدە «All by Myself» ءانىن شىرقاپ، ەكىنشى ورىننان كورىندى. بۇل كەزەڭ حۋنان تەلەارناسىنان 18- ناۋرىز كۇنى كورسەتىلەتىن بولادى.
