تالدىقورعاندىقتار ناۋرىز مەيرامىن ەرەكشە اتاپ وتپەك

تالدىقورعان. قازاقپارات - تالدىقورعاندىقتار ناۋرىز مەيرامى ەرەكشە اتاپ وتپەك.  ۇلىستىڭ ۇلى كۇنىنە بەلگىلەنگەن باعدارلاما اۋقىمدى، دەپ حابارلايدى قازاقپارات ءتىلشىسى.

  شارا «ناۋرىز اۋىلى» - «ءداستۇرىمدى جاڭعىرتقان - تاۋەلسىزدىك» اتتى وبلىستىق جانە قالالىق مەكەمەلەردىڭ قازاق ءۇي كورمەسى جانە ۇلتتىق داستۇرلەردىڭ كورىنىستەرىمەن شىمىلدىق تۇرەدى.

 مەرەكە ۇلتتىق قولونەر شەبەرلەرىنىڭ كورمەسىنە ۇلاسادى. سونداي- اق، «قازاقستاندا جاسالعان»، «دوستىق الاڭى» اتتى كورمەلەر وتەدى. ۇلتتىق سپورت تۇرلەرىنەن جارىستار ۇيىمداستىرىلادى. ال، ناۋرىز مەرەكەسىنىڭ سالتاناتتى بولىمىندە تەاترلاندىرىلعان كورىنىس، ەسترادا جۇلدىزدارىنىڭ قاتىسۋىمەن كونسەرتتىك باعدارلاما حالىق نازارىنا ۇسىنىلادى. كەش سوڭى جاستارعا ارنالعان بي كەشىمەن قورىتىندىلانادى.

 ايتا كەتۋ كەرەك، الماتى وبلىسىندا ناۋرىز مەيرامىنا ارنالعان مەرەكەلىك شارالاردىڭ ونكۇندىگى ءوتىپ جاتىر. الماتى وبلىستىق قازاقستان حالقى اسسامبلەياسى ءتوراعاسىنىڭ ورىنباسارى عابيت تۇرسىنبايدىڭ مالىمدەۋىنشە، ناۋرىزعا ارنالعان ونكۇندىك 12- ناۋرىزدا باستالىپ، 24 -ناۋرىزعا دەيىن جالعاسادى. ونىڭ ەرەكشەلىگى، جەتى باعىتتا جۇرەدى.

 اتاپ ايتقاندا: «بىرلىك»، «قايىرىمدىلىق»، «قۇرمەت»، «ۇرپاقتار ساباقتاستىعى»، «ۇلگى»، «دەنساۋلىق»، « ۇلىستىڭ ۇلى كۇنى ناۋرىز». ماسەلەن، «بىرلىك» باعىتى بويىنشا قاراتال اۋدانىنا وڭتۇستىك كورەيادان دەلەگاتسيا كەلەدى دەپ جوسپارلانىپ وتىر.

 اۆتور: سامال قابىشيەۆا