ەلباسىنا ارنالعان «اتادان مۇرا» كۇيىنىڭ تۇساۋكەسەرى وتەدى

استانا. قازاقپارات - 17- ناۋرىزا قازاقستان رەسپۋبليكاسىنىڭ تۇڭعىش پرەزيدەنتى ەلباسىنىڭ كىتاپحاناسىندا 15 جاستاعى كۇيشى عالامات بەيسەقوجايەۆتىڭ مەملەكەت باسشىسىنا ن. ءا. نازاربايەۆقا ارناعان «اتادان مۇرا» كۇيىنىڭ تۇساۋكەسەرى وتەدى، دەپ حابارلايدى قازاقپارات.

ەلباسى كىتاپحاناسى تاراتقان اقپاراتقا سايكەس، جاس دارىن «ماحامبەت»، «اباي تولعاۋى»، «ەسداۋلەت»، «سۇلۋ ءتور»، «قوسباسار»، «قورداي»، «جاۋىنگەر»، «ەسداۋلەت» ىسپەتتى 20 عا جۋىق كۇيدىڭ اۆتورى.

9- سىنىپ وقۋشىسى تالاي رەسپۋبليكالىق بايقاۋلاردىڭ جۇلدەگەرى اتانعان. ەلباسىنا ارنالعان جاڭا تۋىندىنىڭ تۇساۋكەسەرىنە جاس ونەرپازدار احمەت جۇبانوۆ اتىنداعى دارىندى بالالارعا ارنالعان مەكتەپ-ينتەرناتىنىڭ 9- جانە 5- سىنىپ وقۋشىلارى عالامات پەن ءنۇرالى بەيسەقوجايەۆتار، ع. ورمانوۆ اتىنداعى مەكتەپ-گيمنازيانىڭ وقۋشىلارى مەن ۇستازدارى، كوللەدج ستۋدەنتتەرى جانە ەلباسى كىتاپحاناسىنىڭ قىزمەتكەرلەرى قاتىسادى.

كەزدەسۋ بارىسىندا اعايىندى بەيسەقوجايەۆتارمەن سۇحبات وتەدى جانە مۋزىكالىق قويىلىمدار جوسپارلانعان.

اۆتور: مارلان جيەمباي