جاقيانوۆ جاقىندا جەڭىپ العان بەلدىگىنەن ايىرىلىپ قالدى

استانا. قازاقپارات - جانات جاقيانوۆ جاقىندا عانا قول جەتكىزگەن IBO تۇجىرىمىنىڭ چەمپيوندىق بەلبەۋىنەن ايىرىلىپ قالدى، دەپ حابارلايدى قازاقپارات ءتىلشىسى.

جەڭىل سالماقتا WBA Super جانە IBO تۇجىرىمى بويىنشا الەم چەمپيونى جانات جاقيانوۆ (27-1, 18 ك و) ءوزىنىڭ ەكىنشى، ياعني IBO تۇجىرىمىنىڭ بەلبەۋىنەن ايىرىلىپ قالدى. ەندى جاقيانوۆتىڭ ەنشىسىندە تەك WBA تۇجىرىمىنىڭ چەمپيوندىق بەلبەۋى قالدى.
بۇل تۋرالى   boxrec.com  پورتالى ءمالىم ەتتى. دەرەك كوزدىڭ حابارلاۋىنشا، ۇيىم بۇل تۇجىرىمنىڭ چەمپيونى اتاعىن جەڭىپ العان جانات جاقيانوۆتان تارتىپ الىپتى.  
وعان باستى سەبەپ، وتانداسىمىزدىڭ IBO ۇيىمىنا بەلبەۋ ءۇشىن بەرىلەتىن جارنانى تولەمەۋى.  
ەسكە سالايىق، بۇل چەمپيوندىق بەلبەۋدى جانات جاقيانوۆ 11- اقپان كۇنى ا ق ش- تىڭ تولەدو قالاسىندا امەريكالىق روۋشي ۋوررەنگە قارسى وتكىزىپ، 12 راۋندىڭ قورىتىندىسى بويىنشا تورەشىلەردىڭ شەشىمىمەن جەڭىسكە جەتىپ، جەڭىپ العان ەدى.

كۇنسۇلتان وتارباي