كوكشەتاۋدا تانىمال سپورتشى بۇزاقىلاردىڭ قولىنان مەرت بولدى

كوكشەتاۋ. قازاقپارات - كوكشەتاۋدا تانىمال سپورتشى پاۋەرليفتەر ەۆگەني گالۋزينسكي بۇزاقىلاردىڭ قولىنان وپات بولدى، دەپ حابارلايدى «قازاقپارات» ح ا ا ءتىلشىسى ءى ءى د باسپا ءسوز قىزمەتىنە سىلتەمە جاساپ.

پوليتسەيلەردىڭ مالىمەتى بويىنشا قايعىلى وقيعا 14- ناۋرىزدا تۇنگى ۋاقىت 03:00 دەردە كوكشەتاۋ قالاسىنداعى اۆتوقالاشىق شاعىن اۋدانىندا ورىن العان.

«دوسىمەن بىرگە ۇيىنە بارا جاتقان 25 جاستاعى سپورتشىنى ءبىر توپ جاس جىگىتتەر توقتاتادى. اراققا سىلقيا تويىپ العان جىگىتتەرمەن بىردەن سوزگە كەلىپ قالعان ولاردىڭ اراسىندا توبەلەس شىعادى. التى ادامنان تۇراتىن بۇزاقىلار ەۆگەني مەن ونىڭ دوسىن سوققىعا جىعادى.

دوسى قاسكويلەردەن سىتىلىپ سول ماڭداعى «روما» دۇكەنىنە كومەك شاقىرۋعا جۇگىرەدى. وسى كەزدە بۇزاقىلاردىڭ ءبىرى سپورتشىعا بىرنەشە جەردەن پىشاق سۇعىپ ۇلگەرەدى.

العان اۋىر جاراقاتتان ەۆگەني سول جەردە ءتىل تارتپاستان كوز جۇمادى. وقيعا ورنىنا دەرەۋ جەتكەن پوليتسەيلەر اتالعان دۇكەندەگى بەينە جازبانى تەكسەرىپ، كوپ ۇزاتپاي كۇدىكتىلەردى قولعا ءتۇسىردى.

قازىرگى كەزدە كۇدىكتىلەردىڭ ءبىرى قىلمىسىن موينىنا الىپ، ۇستىنەن ق ر ق ك- ءنىڭ 99-بابىنىڭ 1- ءبولىمى بويىنشا (ادام ءولتىرۋ) سوتقا دەيىنگى ءىس قوزعالدى. ەۆگەني گالۋزينسكي پاۋەرليفتينگتەن جاس وسپىرىمدەر اراسىندا الەم چەمپيونى، جاستار اراسىندا الەم چەمپيوناتىنىڭ جۇلدەگەرى، ق ر بىرنەشە دۇركىن چەمپيونى. 2009-جىلى برازيليادا پاۋەرليفتينگتەن IPF نۇسقاسى بويىنشا ءتورت مارتە الەم رەكوردىن جاڭارتتى. مارقۇمنىڭ ارتىندا ايەلى مەن 1,5 جاستاعى قىزى قالدى.

اۆتور: اسلان وسپانوۆ