08:20, 16 - ناۋرىز 2017 | GMT +5
قازاقستاندىق شاڭعىشى ەستونيادا جەڭىمپاز اتاندى
استانا. قازاقپارات - قازاقستاندىق شاڭعىشى الەكسەي پولتورانين ەستونيانىڭ البا قالاسىنداعى FIS سايىسىندا كلاسسيكالىق ءادىس بويىنشا 10 شاقىرىمدىق جارىستا جەڭىمپاز اتاندى.
ەكىنشى جانە ءۇشىنشى ورىندى سايكەسىنشە، ەستوندىق رايدو رانكەل مەن اندرەاس ۆەەرپالۋ يەلەندى، دەپ حابارلايدى dodasport.kz.
ايتا كەتەيىك، بۇل پولتورانيننىڭ وسى ماۋسىمداعى سوڭعى حالىقارالىق دوداسى - ول كاناداداعى الەم كۋبوگىنا قاتىسپايدى.
الەكسەي 20-28- ناۋرىز ارالىعىندا ريددەردە وتەتىن قازاقستان چەمپيوناتىندا ونەر كورسەتەدى.
