كانادادا تۇتقىندالعان كارىم باراتوۆ قازاقستان ازاماتى ەمەس
بۇل تۋرالى قازاقپارات ءتىلشىسى حابارلادى. «Yahoo كومپانياسىنىڭ كومپيۋتەرلىك جەلىلەرىن بۇزۋعا قاتىستى ءىس بويىنشا ءبىرقاتار ب ا ق- تا ەسىمى اتالعان كارىم باراتوۆ قازاقستان ازاماتى بولىپ تابىلمايدى. ول 2011-جىلى ق ر زاڭنامالارىنا سايكەس، قازاقستان ازاماتتىعىنان ايىرىلۋىن راسىمدەدى»، - دەلىنگەن ق ر س ءى م- ءنىڭ تۆيتتەردەگى رەسمي-اككاۋنتىندا.
ت ا س س اگەنتتىگىنىڭ جازۋىنشا، 15- ناۋرىز كۇنى ا ق ش بيلىگى 2014-جىلى Yahoo پورتالىنا جاسالعان شابۋىل ءۇشىن رەسەيلىكتەرگە ايىپ تاقتى.
امەريكالىق رەسمي تۇلعالاردىڭ ايتۋىنشا، ايىپتار ر ف فەدەرالدى قاۋىپسىزدىك قىزمەتىنىڭ ەكى ادامىنا جانە ولاردىڭ سەرىكتەسى بولعان «ەكى حاكەرگە» قارسى تاعىلىپ وتىر. ول ادامداردىڭ ءبىرى - كارىم باراتوۆ سەيسەنبى كۇنى كانادادا تۇتقىندالعانى ءمالىم ەتىلدى.
امەريكالىقتار بۇل ءۇشىن كانادالىق ارىپتەستەرىنە، سونىڭ ىشىندە پوليتسيا قىزمەتكەرلەرىنە العىستارىن ءبىلدىردى.
باسپا ءسوز ءماسليحاتىندا باراتوۆ رەسەيلىك ازامات رەتىندە ايتىلدى. ءبىراق، Washington Post ونى كانادالىق ازاماتتىعى بار قازاقستان تۋماسى دەپ جازدى. كەيبىر ب ا ق- تار ەر ادامنىڭ ەكى ازاماتتىعى بارىن جازۋدا - كانادانىڭ جانە قازاقستاننىڭ.
ال امەريكالىق رەسمي تۇلعالار باراتوۆتى تۇتقىندالعان رەسەيلىكتەردىڭ ءبىرى رەتىندە اتاپ كورسەتكەن بولاتىن.
ايىپتالۋشى وزگە كۇدىكتىلەردىڭ ەسىمدەرى - دميتري دوكۋچايەۆ، يگور سۋشين جانە الەكسەي بەلان. حاكەرلىك شابۋىل بارىسىندا Yahoo پورتالىنىڭ 500 ميلليون پايدالانۋشىسىنىڭ ەسەپتىك جازباسى بۇزىلعان. ا ق ش بيلىگىنىڭ مالىمەتىنشە، رەسەيلىكتەر بارلاۋ جانە كوممەرتسيالىق قۇندىلىقتارى بار اقپاراتتارعا قول جەتكىزگەن.
اۆتور: ميرا تولەندى قىزى
