قاراعاندى تۇرعىنى ايەلىنىڭ جۇكتى ەكەنىن بوسانعاندا ءبىر- اق بىلگەن
ايى- كۇنى جەتىپ تولعاتقان ايەلدى دارىگەرلەر ءۇي جاعدايىندا بوساندىرىپ الدى، دەپ جازادى Baq.kz.
وقيعا 8 - ناۋرىز كۇنى بولعان. « اسقازانىم اۋىرىپ تۇر» دەپ شاعىمدانعان ايەلىنە ەرى دارىگەر شاقىرىپ كەلگەن. كەلىپ جەتكەن دارىگەر ايەلدىڭ اسقازانى اۋىرمايتىندىعىن، ونىڭ تولعاعى كەلىپ، بوسانايىن دەپ جاتقانىن كورگەن. دەرەۋ اكۋشەردى شاقىرىپ، ەكەۋلەپ ءجۇرىپ ايەلدى امان- ەسەن، ءۇي جاعدايىندا تۋدىرىپ الادى.
«42 جاستاعى ايەل جۇكتى ەكەندىگىن بىزدەن جاسىرىپ كەلگەن. سوندىقتان دا تىركەۋگە الىنباعان. 8 - ناۋرىز كۇنى تولعاتىپ، دارىگەر شاقىرعان ۋاقىتتا عانا جۇكتى ەكەندىگىن بىلدىك. امان- ەسەن تۋدىرىپ العاننان كەيىن، 60 شاقىرىم قاشىقتىقتا ورنالاسقان اۋدان ورتالىعىنداعى اۋرۋحاناعا اپاردىق. ءبىراز كۇن دارىگەرلەردىڭ قاراۋىندا بولدى. قازىر نارەستەنىڭ دە، ايەلدىڭ جاعدايى جاقسى»، - دەيدى اكۋشەر ماعزۇم قىزى.
دارىگەرلەردىڭ ايتۋىنشا، ايەل ادام جۇكتى ەكەنىن ەشكىمگە ايتپاعان. اسقازانىم اۋىرادى دەپ شاعىمدانىپ، كوبىنەسە بالقاش، قاراعاندى قالالارىندا بولعان.
«كورشىمىزدىڭ اياعى اۋىر ەكەندىگىن بىلمەي قالدىق. مەنىڭشە ءىشىن كورسەتپەي تارتىپ جۇرگەن بولۋى كەرەك. اۋىرىپ ءجۇرمىن دەپ، قالاعا بارعىشتاپ جۇرەتىن. 8 - ناۋرىز كۇنى بالا تۋعانىن ەستىگەندە سەنبەي، دال بولدىق. ءۇي جاعدايىندا بوسانۋ قاۋىپتى ەكەندىگى بەلگىلى. اۋىلىمىزدىڭ دارىگەرلەرىنىڭ بىلىكتىلىگىنىڭ ارقاسىندا امان- ەسەن ءسابيلى بولدى دەپ ويلايمىن»، - دەيدى اۋىل تۇرعىنى.
42 جاسىندا ءتورتىنشى بالاسىن تۋعان ايەلدىڭ جۇكتى ەكەندىگىن توعىز اي بويى دارىگەرلەردەن، تۋعان- تۋىستارىنان، ءتىپتى، كۇيەۋىنەن نە سەبەپتى جاسىرىپ كەلگەندىگى بەلگىسىز.
