قايرات نۇرتاستىڭ كونسەرتىندە جوعالعان توندى قايتارعان ايەلگە ءسۇت تارتاتىن ماشينا سىيعا تارتىلدى

استانا. قازاقپارات - پاۆلودارلىق پوليتسەيلەر قايرات نۇرتاستىڭ كونسەرتىندە جوعالىپ كەتكەن توندى قايتارىپ بەرگەن قالقامان اۋىلىنىڭ تۇرعىنىنا ءسۇت تارتاتىن ەلەكتر ماشيناسىن سىيعا تارتتى.

 وبلىستىق ءى ءى د باسپا ءسوز قىزمەتىنىڭ مالىمەتىنشە، بوتەن ادامنىڭ كيىمىن يەسىنە الىپ كەلگەن زەينەتكەردىڭ ادالدىعىن ءتارتىپ ساقشىلارى ەرەكشە باعالاپ، ىنتالاندىرۋدى ءجون كورگەن، دەپ حابارلايدى pavlodarnews.kz.

 الايدا اقشالاي سىياقىدان بىردەن باس تارتقان اۋىل تۇرعىنى مال ۇستايتىندىقتان كوپتەن بەرى توق سەپاراتورىن الۋدى ارمانداپ جۇرگەنىن ايتقان.

ەسكە سالا كەتەيىك، 8 - ناۋرىز كۇنى ەستاي اتىنداعى مادەنيەت سارايىندا قايرات نۇرتاستىڭ « جۇباتۋعا ارنالادى بۇل ءانىم» اتتى ءان كەشىنەن كەيىن قالا تۇرعىنى الماگۇل بايدەلدينوۆا قۇندىز تونىنان ايىرىلىپ قالعان بولاتىن. كەشە توندى كيىپ كەتكەن ادامنىڭ نەمەرەسى قىسقى كيىمدى يەسىنە قايتارىپ بەردى.