ناۋرىز مەيرامى اياسىندا جاس كەلىندەر بايقاۋى ءوتتى - فوتو

شىمكەنت. قازاقپارات - وڭتۇستىك قازاقستاندا ناۋرىز مەيرامى اياسىندا جاس كەلىندەر بايقاۋى ءوتتى. ۇلتتىق سالت- ءداستۇردى دارىپتەيتىن سايىس بەسىك جىرىن ناسيحاتتاۋعا باعىتتالدى.

يگى شارانى وبلىستىق جاسوسپىرىمدەر كىتاپحاناسى مەن ادەت- عۇرىپ جانە سالت- ءداستۇر ورتالىعى بىرلەسىپ ۇيىمداستىردى، دەپ حابارلايدى قازاقپارات ح ا ا ءتىلشىسى.

 بيىل ەكىنشى رەت ۇيىمداستىرىلىپ وتىرعان شاراعا اۋدان، قالالاردان كەلگەن 14 جاس كەلىن قاتىستى. ولار 4 كەزەڭ بويىنشا سىنعا ءتۇسىپ، ۇمىت قالىپ بارا جاتقان بەسىك جىرىن ورىندادى. بايقاۋدىڭ شارتى بويىنشا كەلىندەر سالت- داستۇرگە قاتىستى ساۋالدارعا جاۋاپ بەرىپ، ءوز ونەرلەرىن كورسەتتى. ۇيىمداستىرۋشىلاردىڭ سوزىنشە، بۇل شارا جانۇياداعى اتا- ەنە، كەلىن، قايىن-ءسىڭلى، قايىن اراسىنداعى قارىم- قاتىناستى نىعايتۋ مەن قازاق كەلىنىنىڭ وتباسىنداعى ورنىن ۇعىندىرۋ ماقساتىندا وتكىزىلىپ كەلەدى.

 «باۋىرجان مومىش ۇلى كەزىندە «ءۇش نارسەدەن قورقامىن. سونىڭ ىشىندە وسى بەسىك جىرىن ايتپايتىن انالاردان قورقامىن» دەگەن. سوندىقتان بەسىك جىرىن ءاربىر انا ءبىلىپ، تال بەسىكتەن بالالارىن تاربيەلەسە، ۇرپاعىمىز سانالى بولىپ وسەدى دەپ ويلايمىن»، - دەيدى وبلىستىق جاسوسپىرىمدەر كىتاپحاناسىنىڭ ديرەكتورى گۇلميرا جانىسبەكوۆا.

سايىس قورتىندىسى بويىنشا قازىعۇرتتىق گاۋحار قالماحانوۆا باس جۇلدەنى جەڭىپ السا، «ونەرلى كەلىن» نوميناتسياسىندا التىناي مۇساعاليەۆا ماراپاتتالدى.

 اۆتور: اينۇر اقبايەۆا