شپەكبايەۆ سىبايلاس جەمقورلىق ءجيى كەزدەسەتىن مەملەكەتتىك ورگانداردى اتادى
بۇل تۋرالى سىبايلاس جەمقورلىققا قارسى ءىس- قيمىل ماسەلەلەرى بويىنشا ازاماتتىق باستامالار كونگرەسىندە ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى ءتوراعاسىنىڭ ورىنباسارى اليك شپەكبايەۆ ءمالىم ەتتى،
دەپ حابارلايدى قازاقپارات.
«ەگەر دە تىكەلەي پارا العان ادام جاۋاپقا تارتىلعانىمەن، الايدا ونىڭ باسشىسىنا جاۋاپكەرشىلىك تاعايىندالماسا، وندا بۇدان تيىمدىلىك وتە تومەن بولادى. سوندىقتان دا ءبىز بۇگىندە قاراماعىنداعى قىزمەتكەرلەرىنىڭ سىبايلاس جەمقورلققا جول بەرگەنى ءۇشىن باسشىنىڭ جەكەلەي جاۋاپكەرشىلىگىن ارتتىرۋعا باسىمدىق بەرىپ وتىرمىز. جىل قورىتىندىسى بويىنشا 500-دەن استام جەمقورلىق ارەكەتتەر جاسالعان قۇرىلىمدار بار ەكەنى انىقتالدى. بۇل دەگەنىمىز نە؟ بىزدە ءبىر فاكتىنىڭ ءوزى توتەنشە وقيعا بولىپ تابىلادى. جۇزدەگەن فاكتىلەر بولعانىمەن، ەشبىر باسشى جازاعا تارتىلماعان»، - دەپ توقتالدى شپەكبايەۆ.
ونىڭ سوزىنە قاراعاندا، اۋىل شارۋاشىلىعى مينيسترلىگىندە، قارجى مينيسترلىگى مەملەكەتتىك كىرىستەر كوميتەتىندە، ىشكى ىستەر مينيسترلىگىندە، سونداي- اق اكىمدىكتەردە سىبايلاس جەمقورلىق ءجيى كەزدەسەدى. شپەكبايەۆتىڭ پايىمىنشا، مەملەكەتتىك ورگاندا سىبايلاس جەمقورلىق جۇيەلى تۇردە بايقالسا، وندا جاۋاپكەرشىلىككە باسشى دا تارتىلۋى ءتيىس. وسى ورايدا ول جەمقورلىققا قارسى ءىس- قيمىل اياسىندا الدىن الۋ شارالارىنىڭ ءبىرى مەملەكەتتىك اپپاراتتى قىسقارتۋ بولىپ تابىلاتىنىن اتاپ ءوتتى. بۇنىڭ ەسەبىنەن ەڭبەكاقىنىڭ كولەمىن ارتتىرعان دۇرىس. ەگەر دە مەم قىزمەتكەرلەردىڭ 35 پايىزى قىسقارتىلسا، وندا اكىمشىلىك شىعىنداردى دا ۇنەمدەي وتىرىپ، مەملەكەتتىك قىزمەتكەرلەردىڭ ەڭبەكاقىسىن ەكى ەسەگە ارتتىرۋعا مۇمكىندىك بولادى.
اۆتور: رۋسلان عابباسوۆ
