15:23, 15 - ناۋرىز 2017 | GMT +5
تەررورلىق قىلمىستار جاساعانى ءۇشىن ايىپتالعان قازاقستاندىق اۋعانستاننان ەكستراديتسيالاندى
استانا. قازاقپارات - اۋعانستاننان تەررورلىق توپتى قۇرۋ، باسقارۋ، ونىڭ قىزمەتىن قارجىلاندىرۋ جانە اتىراۋ وبلىسى اۋماعىندا تەررورلىق قىلمىستار جاساعانى ءۇشىن ايىپتالعان قازاقستاندىق ەكستاديتسيالاندى،
دەپ حابارلايدى «قازاقپارات» ح ا ا ق ر باس پروكۋراتۋراسىنىڭ باسپا ءسوز قىزمەتىنە سىلتەمە جاساپ.
«بۇگىن ق ر ۇلتتىق قاۋىپسىزدىك كوميتەتىنىڭ جاردەمىمەن ازامات «ز» قازاقستانعا ەكستراديتسيالاندى. ول تەررورلىق توپتى قۇرۋ، باسقارۋ، ونىڭ قىزمەتىن قارجىلاندىرۋ جانە اتىراۋ وبلىسى اۋماعىندا تەررورلىق قىلمىستار جاساعانى ءۇشىن ايىپتالۋدا. 2011 -جىلدان باستاپ ىزدەۋدە بولدى»، دەپ اتاپ وتىلگەن حابارلامادا.
وسىدان بۇرىن، اۋعانستان يسلام رەسپۋبليكاسىنىڭ قۇزىرلى ورگاندارى بۇل ازاماتتى قىلمىستىق جاۋاپكەرشىلىككە تارتۋ ءۇشىن ۇستاپ بەرۋ تۋرالى قازاقستان باس پروكۋراتۋراسىنىڭ سۇرانىسىن قاناعاتتاندىرعان ەدى. جىل باسىنان ءوزارا كەلىسىم قاعيداتى نەگىزىندە اۋعانستاننان قازاقستانعا ەكى تۇلعا ەكستراديتسيالانعان.
