11:04, 15 - ناۋرىز 2017 | GMT +5
ايگىلى ءانشى التىناي پوليتسەيدى تۋفليمەن تەۋىپ، قاباعىن جارىپ جىبەردى - فوتو
استانا. قازاقپارات - قىرعىزستاندىق ءانشى التىناي جايناقوۆا وش قالاسىنداعى پوليتسەيلەرگە باعىنباعانى ءۇشىن ايىپپۇل تولەيدى.
بۇل تۋرالى zanoza.kg سايتىنا سىلتەمە جاساپ NUR. KZ حابارلايدى.
پوليتسەيلەر جوعارى جىلدامدىقپەن جۇرگەن كولىكتى توقتاتقان. ونىڭ ىشىندە تانىمال ءانشى ءارى تەلەجۇرگىزۋشى التىناي جايناقوۆا بولىپتى. ىشىمدىككە تويىپ العان التىناي قۇجاتتارىن كورسەتۋدەن باس تارتىپ، كەيىن ءتارتىپ ساقشىلارىنا دوق كورسەتە باستايدى.
ءانشى ءوزىنىڭ تانىستارىنا تەلەفون شالاتىنىن ايتىپ، ءوزىن كولىكتەن تۇسىرمەك بولعان پوليتسەيدى تەۋىپ جىبەرگەن. سالدارىنان ءتارتىپ ساقشىسىنىڭ قاباعى جارىلىپ كەتتى.
العاشىندا ورەسكەل ادەپسىزدىگى ءۇشىن ءانشىنىڭ 7 جىلعا دەيىن باس بوستاندىعىنان ايىرىلۋى مۇمكىن ەكەنى ايتىلعان. كەيىن وعان 30 مىڭ سوم كولەمىندە ايىپپۇل سالىندى.
