فرانسيادا پرەزيدەنت سايلاۋىنداعى ۇمىتكەرگە قاتىستى تەرگەۋ باستالدى
تەرگەۋ ماكروننىڭ ەكونوميكا ءمينيسترى كەزىندەگى 2016-جىلدىڭ 6- قاڭتارىندا لاس-ۆەگاستا وتكەن French Tech Night شاراسىنا قاتىسۋىنا بايلانىستى.
تەرگەۋ نۇسقاسى بويىنشا، ماكرون باسقارعان مينيسترلىك ەشقانداي تەندەر وتكىزبەستەن سول شارانىڭ ۇيىمداستىرىلۋىن Havas كومپانياسىنا تاپسىرعان. بۇعان دەيىن فرانسيا قۇقىق قورعاۋ ورگاندارى فرانسيا پرەزيدەنتتىگىنە تاعى ءبىر ۇمىتكەر، «رەسپۋبليكاشىلار» پارتياسىنان شىققان فرانسۋا فيونعا قاتىستى رەسمي تەرگەۋدى باستاعان ەدى.
Le Canard Enchaine باسىلىمىنىڭ جازۋىنشا، 14- ناۋرىز كۇنى وعان قاراجاتتى جىمقىرۋ جانە زاڭسىز يەمدەنۋ ايىپتارى تاعىلدى. سونداي-اق، پروكۋراتۋرا فيوننىڭ ايەلى پەنەلوپاعا قاتىستى تەكسەرىستى باستادى.
فرانسۋا فيون پارلامەنتتە جۇمىس ىستەگەندە، ايەلى سەگىز جىل بويى ونىڭ كومەكشىسى رەتىندە ايلىق الىپ وتىرعان. ءبىراق، ءتيىستى مىندەتتەرىن ورىندامادى دەگەن كۇدىك بار.
