گولوۆكين: برۋكپەن كوشە توبەلەسى بولدى، ال دجەيكوبسپەن بوكس وتەدى

استانا. قازاقپارات - قازاقستاندىق بوكسشى گەننادي گولوۆكين (36-0, 33 ك و) «НВО»- عا بەرگەن سۇحباتىندا امەريكالىق دەنيەل دجەيكوبسپەن (32-1, 29 ك و) بولاتىن جەكپە-جەگىنە قاتىستى پىكىر ءبىلدىردى، دەپ حابارلايدى قازاقپارات Sports.kz-قا سىلتەمە جاساپ.

«مەن دجەيكوبستى سىيلايمىن. بۇگىنگى كۇنى ول مەن ءۇشىن ەڭ جاقسى قارسىلاس. ول تاجىريبەلى ءارى اقىلدى جاۋىنگەر جانە سىرت كەلبەتى دە كەلىستى.

مەندە كەلل برۋكپەن كوشە توبەلەسى بولىپ ەدى، ال دجەيكوبسپەن بوكس بولادى. ءاربىر ايقاس - ءارتۇرلى. قازىر بارلىعى بوكستى كورگىسى كەلەدى. بارلىعى اسا ماڭىزدى ەكەندىگىن ءجىتى تۇسىنەمىن: جەڭگەن بوكسشى ورتا ديۆيزيوندا ءنومىرى ءبىرىنشى بولادى»، - دەپ اتاپ ءوتتى گولوۆكين.

ەسكە سالايىق، گولوۆكين-دجەيكوبس جەكپە-جەگى 18- ناۋرىز كۇنى نيۋ-يوركتىڭ Madison Square Garden ارەناسىندا وتەدى. قازاقستاندىق تەلەارنالار ايقاستى تىكەلەي ەفيردەن كورسەتەدى.

اۆتور: ميرا تولەندى قىزى