ءدىن جولىندا اداسقاندار تۋرالى «سەرگەلدەڭ» فيلمى كورەرمەنگە جول تارتتى - كەسكىن

استانا. قازاقپارات - كەشە «اسىل ارنا» تەلەارناسى تۇسىرگەن «سەرگەلدەڭ» اتتى تولىق مەتراجدى تۋىندىنىڭ تۇساۋى كەسىلدى.

كارتينانىڭ يدەياسى تەلەارنا ديرەكتورى، ايتىسكەر اقىن مۇحامەدجان تازابەكتىكى. باستى كەيىپكەرى - جات اعىمنىڭ جەتەگىندە كەتىپ، قوعامنان وقشاۋلانعان جاس جىگىت. تۋىندى تەرورريزم مەن ەكسترەميزمنىڭ الدىن الۋعا، ۇلتتىق بولمىسىمىزعا قايشى رۋحاني دەرتتەردىڭ وزەگىن اشۋعا باعىتتالعان. ءداستۇرلى ءدىنىمىزدى دارىپتەيتىن كوركەم فيلم كومەديا جانرىندا تۇسىرىلگەن.

 قويۋشى رەجيسسەرى جاندوس قۇسايىنوۆ، قويۋشى وپەراتورى ەركىن ساتەنوۆ، اتقارۋشى پروديۋسەرى ارتىقبەك بولعانبايەۆ.