و ق و- دا جول تالعامايتىن تەحنيكالار قيىن جولدارمەن ءجۇرىپ، ارنايى تەكسەرۋدەن ءوتتى
قۇتقارۋشىلار وسىلايشا توتەنشە جاعدايلاردى جويۋ بويىنشا جۇمىستارعا پايدالاناتىن اۆتوكولىكتەردىڭ دايىندىعىن تەكسەردى، - دەپ حابارلايدى قازاقپارات ح ا ا ءتىلشىسى. ءوڭىردىڭ توتەنشە جاعدايلار قىزمەتىنە قاراستى 3 جول تالعامايتىن كولىك ءتورت كۇن بويى ءۇش اۋداننىڭ جولىمەن ءجۇرىپ وتكەن. جەدەل- قۇتقارۋ جاساعىنىڭ جۇمىس جوسپارىنا سايكەس شىمكەنت- بايدىبەك، بايدىبەك- سوزاق باعىتتارى بويىنشا تاۋلى ايماقتاعى جاعدايدا تەكسەرىلدى. قۇتقارۋشىلاردىڭ سوزىنشە، ارنايى كولىكتەر اۆاريالىق- قۇتقارۋ جانە ىزدەستىرۋ- قۇتقارۋ جۇمىستارىن جۇرگىزۋگە دايىن بولىپ شىققان.
ايتا كەتەيىك، وسى كولىكتەر بيىلعى قىستا توتەنشە جاعدايلار قىزمەتكەرلەرىنە كوپ قولعابىس ەتتى. قار قۇرساۋىندا قالعان اۋىلدارعا دارىگەرلەردى جەتكىزىپ، جولدا قالعان جولاۋشىلاردى ارنايى بەكەتتەرگە الىپ بارعان بولاتىن.
اۆتور: اينۇر اقبايەۆا
