ەلباسى اقمولا وبلىسىنىڭ اكىمىن تاعايىندادى

استانا. قازاقپارات - مەملەكەت باسشىسى مالىك مىرزاليندى اقمولا وبلىسىنىڭ اكىمى قىزمەتىنە تاعايىندادى. بۇل تۋرالى اقوردانىڭ باسپا ءسوز قىزمەتى تۆيتتەردە حابارلادى.

 مالىك مىرزالين 1971 -جىلعى 31- قازاندا اقتوبە قالاسىندا تۋعان. 1996 -جىلى رەسەي فەدەراتسياسى سىرتقى ىستەر مينيسترلىگىنىڭ ماسكەۋ مەملەكەتتىك حالىقارالىق قاتىناستار ينستيتۋتىن بىتىرگەن. 2006 -جىلى يەل ۋنيۆەرسيتەتىنىڭ مەنەدجمەنت مەكتەبىندە (ا ق ش) بىلىكتىلىگىن ارتتىرۋدان وتكەن.

 ساياسي عىلىمدارىنىڭ كانديداتى (2010 ج.)، اعىلشىن جانە ۋردۋ تىلدەرىن مەڭگەرگەن. 1996 - 2004 -جىلدارى - قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگىنىڭ رەفەرەنتى، اتتاشەسى، ءۇشىنشى، ەكىنشى، ءبىرىنشى حاتشىسى، ماسكەۋ قالاسى. 2004 - 2006 -جىلدارى - سولتۇستىك قازاقستان وبلىسى اكىمىنىڭ اپپارات باسشىسى، پەتروپاۆل قالاسى. 2006 - 2007 -جىلدارى - سولتۇستىك قازاقستان وبلىسى اكىمىنىڭ ورىنباسارى، پەتروپاۆل قالاسى. 2007 - 2008 -جىلدارى - سولتۇستىك قازاقستان وبلىسى اكىمىنىڭ ءبىرىنشى ورىنباسارى، پەتروپاۆل قالاسى. 2008 - 2009 -جىلدارى - «نۇر وتان» حالىقتىق- دەموكراتيالىق پارتياسى ورتالىق اپپاراتى باسشىسىنىڭ ورىنباسارى.

 2010 - 2011 -جىلدارى - قازاقستان رەسپۋبليكاسى پرەزيدەنتى ءىس باسقارماسىنىڭ اپپارات باسشىسى. 2011 - 2013 -جىلدارى - قازاقستان رەسپۋبليكاسى ءدىن ىستەرى اگەنتتىگىنىڭ جاۋاپتى حاتشىسى. 2013 - 2016 -جىلدارى - قازاقستان رەسپۋبليكاسى پرەزيدەنتى ءىس باسقارۋشىسىنىڭ ورىنباسارى 2016 -جىلدىڭ جەلتوقسان ايىنان باستاپ قازاقستان رەسپۋبليكاسى پرەزيدەنتى ءىس باسقارۋشىسىنىڭ ءبىرىنشى ورىنباسارى. «قۇرمەت» وردەنىمەن (2014 ج.)، «ەرەن ەڭبەگى ءۇشىن» مەدالىمەن (2005 ج.) ماراپاتتالعان. ۇيلەنگەن، ءۇش بالاسى بار.