قۋات حاميتوۆ: پايداسىز دەپۋتاتتار نە كەرەك؟
«تاعى ءبىر دەپۋتات! ماعان بىرەۋ دەپۋتات بولۋ ءۇشىن نە ىستەۋ كەرەك ەكەنىن ءتۇسىندىرىپ بەرە الا ما؟ ءبىر كۇندە دەپۋتات بولاتىنداي ولار نە ىستەدى؟ ءبىز بۇل دەپۋتاتتاردىڭ حالىق ءۇشىن ەشتەڭە ىستەمەيتىنىن جاقسى بىلەمىز عوي. بۇل دەگەنىڭىز زالدا ءبىر رەت تە بولماي چەمپيون اتانۋمەن بىردەي. ءبىزدىڭ ەلدە بار-جوعى 16 ميلليون ادام بار. 16 ميلليون - ماسكەۋ مەن شاڭحايدىڭ حالىق سانىنىڭ جارتىسى عانا.
ولاردىڭ بىتپەيتىن ماسەلەلەرىن توپ بولىپ شەشە الماي جاتىر. ياعني، بۇل قالالاردىڭ مەرلەرى جۇمىسىن ءبىزدىڭ شەنەۋنىكتەردەن كورى جاقسى اتقارادى دەگەن ءسوز ەمەس پە؟
سەبەبى، مەن ءالى كۇنگە دەيىن ءوز باعدارلاماسىمەن كەلىپ، حالىق ءۇشىن يگى جۇمىس ىستەگەن ءبىر ادامدى كورمەدىم. ولارعا استانانىڭ اتىن اۋىستىرۋ نەمەسە پايداسىز ءزاۋلىم قۇرىلىستارعا بىرەۋدىڭ اتىن بەرۋ سياقتى جۇمىستارمەن اينالىسقانشا، حالىقتى ويلاۋ كەرەك.
مەن تايلاندتا بەسىنشى جىل قاتارىنان جيىنعا باردىم. بۇل جىلدارى نان، ازىق-تۇلىك، بەنزيننىڭ باعاسى ءبىر تەڭگەگە دە وزگەرگەن جوق. ءبىراق سول ەلدەن مۇناي دا، التىن دا تابا المايسىز.
ءبىزدىڭ ەلدە ساعات سايىن ءبارى قىمباتتاپ، تۋعان-تۋىستارىمىز جىل سايىن ءبىزدىڭ ەلدەن كەتىپ جاتسا، گالستۋك تاققان بىرەۋ ميلليونداپ ۇرلاپ، قاشىپ كەتەتىن بولسا، بۇل وزگەرىستەردىڭ نە قاجەتى بار؟ پايداسىز دەپۋتتار بىزگە نە كەرەك؟
مەن قاراپايىم سپورتشىمىن جانە بۇل قيىندىقتاردى كورەمىن. مەن ساعاتتاپ ايتا الامىن. نەگە ءبىزدىڭ شەنەۋنىكتەر بۇنى كورمەيدى؟ از عانا حالىقتىڭ جاعدايىن جاقسارتۋ ءتىپتى دە مۇمكىن ەمەس پە؟
مەن بالا كۇنىمنەن ءبىر ادامنىڭ كوپ نارسەنى وزگەرتە الاتىنىنا سەنگەنمىن. ازىرگە مەن ول ادامدى كورىپ تۇرعان جوقپىن. ماعان بىرەۋ كەلىپ، سوزدەرىمنىڭ دۇرىس ەمەس ەكەنىن ايتسا، ەرتەڭ-اق ءوزىمدى ولتىرەمىن!» - دەپ جازدى حاميتوۆ، راۋدىڭ جۇمىسقا تاعايىندالعانى جايلى سۋرەتتى قويىپ.
