قازاقستاندىقتاردىڭ ءومىر ءسۇرۋى ۇزاردى

استانا. قازاقپارات - ق ر دەنساۋلىق ساقتاۋ ءمينيسترى ەلجان ءبىرتانوۆ سوڭعى ون جىلدا قازاقستان حالقى دەنساۋلىعىنىڭ نەگىزگى كورسەتكىشتەرى وڭ قارقىنمەن دامىپ جاتقاندىعىن اتاپ ءوتتى.

دەگەنمەن، ونىڭ ايتۋىنشا، وسىعان قاراماستان، قازاقستان دامىعان ەلدەردەگى كورسەتكىشتەردەن ەداۋىر قالىس قالىپ كەلەدى، دەپ حابارلايدى قازاقپارات.

«ءومىر ءسۇرۋ ۇزاقتىعى 10 جىلدا 72 جاسقا دەيىن ۇلعايدى. دەگەنمەن ەكونوميكالىق ىنتىماقتاستىق جانە دامۋ ۇيىمىنا مۇشە مەملەكەتتەردە ول كورسەتكىش 80 جاستان اسادى. انا ءولىمى 10 جىلدا 3,5 ەسە ازايعان. الايدا بۇل دامىعان ەلدەردەگىدەن 2 ەسەگە كوپ. قارقىنى تومەندەگەنمەن، بالا ءولىمى ە ى د ۇ- نىڭ كورسەتكىشتەرىنەن 3 ەسەگە اسىپ وتىر»، - دەدى ول ۇكىمەت وتىرىسىندا.