مينيستر ساعاديەۆ مەملەكەتتىك ەمتيحاننان «قازاق ءتىلى» ءپانىنىڭ الىنۋىن ءتۇسىندىردى
«قازاقستاندا مەكتەپ بىتىرۋشىلەر قازاق ءتىلىن ءبىرىڭعاي تەست رەتىندە وتەدى. ەندى 12 جىل بويى ۇ ب ت- عا كەلگەن بالالار قازاق ءتىلىن تاپسىرسا دا، ونىڭ ناتيجەسى ەسەپكە الىنباعان. پروفاناتسيا دەگەن وسى. ال قالعان مەكتەپتە تاپسىرعان بالالار ەندى مەكتەپ ءوزى بيلەتتەرىن شىعارىپ، قازاق ءتىلىن الىپ وتىرعان - ول دا، ءبىزدىڭ ويىمىزشا، دۇرىس ەمەس. ەندى بيىل ۇ ب ت ەكى جاققا ءبولىنىپ وتىر. ەندى مەكتەپتىڭ 100 پايىز بالالارى مەكتەپتىڭ ەمتيحاندارىن تاپسىرادى. سول قازاق ءتىلى مەكتەپتەردە تاپسىرىلاتىن بولادى، ءبىراق بيلەتتەر ارقىلى ەمەس، ءبىرىڭعاي تەست رەتىندە بالالارىمىزدىڭ 100 پايىزى قازاق ءتىلىن تاپسىرادى. ارينە، قازىرگى ۋاقىتتا ۇ ب ت تاپسىرعان تۇلەكتەردىڭ 85 پايىزى قازاق تىلىنە كەلىپ وتىر»، - دەدى مينيستر. ەسكە سالايىق، كەشە، ۇلتتىق تەست ورتالىعىنىڭ ديرەكتورى رامازان ءالىمقۇلوۆ ۇلتتىق ءبىرىڭعاي تەستىلەۋدەن «قازاق ءتىلى» ءپانىنىڭ جوق ەكەنىن رەسمي ءمالىم ەتكەن بولاتىن.
وسىلايشا، ءالىمقۇلوۆتىڭ سوزىنە قاراعاندا، ۇلتتىق ءبىرىڭعاي تەستىلەۋدىڭ رەسمي بەكىتىلگەن جاڭا فورماتىندا «ماتەماتيكالىق ساۋاتتىلىق»، «وقۋ ساۋاتتىلىعى» جانە «قازاقستان تاريحى» اتتى ءۇش ءپان مىندەتتى ءپان بولىپ قالعان جانە 2 بەيىندىك ءپان قوسىلعان.
