گيتلەردىڭ جەكە فوتوسۋرەتتەرى بار البوم اۋكتسيوندا ساتىلادى

استانا. قازاقپارات - بۇعان دەيىن بەلگىسىز بولىپ كەلگەن ادولف گيتلەردىڭ جەكە فوتوسۋرەتتەرى بار البوم  ۇلى بريتانيادا ءباسساۋداعا شىعارىلدى.

ونىڭ قۇنى 18 مىڭ دوللاردان جوعارى باعالانۋدا، دەپ مالىمدەدى 13- ناۋرىزدا C&T Auctions اۋكتسيون ءۇيىنىڭ كەڭەسشىسى تيم حارپەر. Dw.com حابارلاۋىنشا، بۇل البوم 1945-جىلى گيتلەر بۋنكەرىنەن، دالىرەك ايتقاندا ەۆا براۋن بولمەسىنەن تابىلدى.

قازىر ول انونيمدى كوللەكتورعا تيەسىلى. اۋكتسيون 15- ناۋرىز كۇنى كەنت قالاسىندا وتەدى.

البومدا گيتلەردىڭ گەببەلس، گەرينگ جانە گيمملەرمەن بىرگە تۇسكەن فوتوسۋرەتتەرى بار، سونىمەن بىرگە گيتلەردىڭ ءوزىن كۇتىپ تۇرعان ءبىر توپ حالىق اراسىنان كولىكپەن ءوتىپ بارا جاتقانى بەينەلەنگەن.

تيم حارپەر مۇنى جەكە سۋرەتتەر دەپ ەسەپتەيدى جانە رۇقسات بەرىلگەن ادام عانا مۇنداي راكۋرسپەن فوتوعا تۇسىرە العان.