كەلەسى جەكپە-جەگىمدى قازاقستاندا وتكىزگىم كەلەدى - گولوۆكين
گولوۆكين-دجەيكوبس جەكپە- جەگى Madison Square Garden ارەناسىندا 18-ناۋرىز كۇنى وتەدى. قازاقستاندىق تەلەارنالار ايقاستى تىكەلەي ەفيردەن كورسەتەدى. سونداي-اق گولوۆكين Seconds Out - كە بەرگەن سۇحباتىندا كەلەسى كەزدەسۋىن قازاقستاندا وتكىزەتىندىگىن راستادى.
«جەكپە-جەكتى ۇيگە الىپ كەلگىم كەلەدى، سەبەبى، ونى ءارقايسىسى ءوز كوزىمەن كورۋدى قالايدى، تاريح ءۇشىن. بۇل كەرەمەت قوي، ادامدار مۇنى سەزىنگىسى كەلەدى. مەن ءوز حالقىمدى قاتتى قۇرمەتتەيمىن. ولار مەنى ۇدايى قولداپ وتىرادى، بۇل وتە ماڭىزدى»، - دەپ اتاپ ءوتتى گولوۆكين.
ءبىراق جەكپە-جەكتىڭ بولجالدى ۋاقىتى مەن GGG ىقتيمال قارسىلاسى تۋرالى ازىرگە ايتىلماۋدا. كەيبىر ب ا ق- تار بۇل كەزدەسۋدە گولوۆكيننىڭ قارسىلاسى WBO بەلبەۋىنىڭ يەگەرى بريتاندىق بيللي دجو سوندەرس (24-0، 12 ك و) بولۋى مۇمكىندىگىن جازعان ەدى.
بۇعان دەيىن حابارلاعانىمىزداي، «استانا ەكسپو-2017» ۇلتتىق كومپانياسىنىڭ ءتوراعاسى احمەتجان ەسىموۆ ق ر ەڭبەك سىڭىرگەن سپورت شەبەرى گەنناديي گولوۆكينمەن كەزدەسىپ، ونىمەن ەكسپو-2017 كورمەسىنە وراي بوكس-يۆەنت وتكىزۋ مۇمكىندىگىن تالقىلادى. كەيىن بۇل ماسەلەنى مادەنيەت جانە سپورت ءمينيسترى ارىستانبەك مۇحامەدي ۇلى دا كوتەرگەن ەدى.
