داۋرەن ابايەۆ «تۇمار» ۇلتتىق تەلەۆيزيالىق سىيلىعىنىڭ قازىلار القاسى مۇشەلەرىن اتادى

استانا. قازاقپارات - ق ر اقپارات جانە كوممۋنيكاتسيالار ءمينيسترى داۋرەن ابايەۆ «تۇمار» ۇلتتىق تەلەۆيزيالىق سىيلىعىنىڭ قازىلار القاسىنىڭ مۇشەلەرىن اتادى، دەپ حابارلايدى «قازاقپارات» ح ا ا ءتىلشىسى.

 «17 - ناۋرىز كۇنى «تۇمار» ۇلتتىق تەلەۆيزيالىق سىيلىعىنىڭ تابىستالۋ ءراسىمى وتەدى. قازىر قازىلار القاسىنىڭ الدىندا كۇردەلى تاپسىرما تۇر - وتكىزىلگەن 200-دەن استام شىعارماشىلىق جۇمىستىڭ اراسىنان ۇزدىك 12 جۇمىستى تاڭداپ الۋ قاجەت، - دەپ جازدى مينيستر الەۋمەتتىك جەلىدە.

«قازىلار القاسىنىڭ مۇشەلەرىن تانىستىرعىم كەلەدى:

مەملەكەت قايرەتكەرى، پۋبليتسيست، اكادەميك شالاحمەتوۆ عادىلبەك ءمىناج ۇلى؛

 پرەزيدەنت تەلەراديوكەشەنىنىڭ باس ديرەكتورى ەرلان بەكقوجين؛

 قازاقستان باسپا ءسوز كلۋبىنىڭ پرەزيدەنتى اسەل قاراۋىلوۆا؛

 «قازاقستان بارىسى» دامۋ قورى قامقورشىلىق وداعىنىڭ ءتوراعاسى ارمان شورايەۆ؛

 قوعام قايراتكەرى، تەلەجۇرگىزۋشى، پروديۋسەر ارۋجان ساين؛

 ق ر پارلامەنتى سەناتى ءتوراعاسىنىڭ ب ا ق- پەن ءوزارا ءىس- قيمىل ماسەلەلەرى جونىندەگى كەڭەسشىسى بيبىگۇل جەكسەنباي؛

 تەلەجۇرگىزۋشى، جۋرناليست، «نۇر وتان» پارتياسى باسپا ءسوز قىزمەتىنىڭ باسشىسى الەكساندر اكسيۋتيتس؛

 رەجيسسەر، سسەناريست ليەۆ ماريۋپولسكي؛

 «قازمەديا ورتالىعى» ب ك باس ديرەكتورى مەيىربولات ايۋپوۆ؛

 سەناتور ەرعاليەۆ جابال ەرعالي ۇلى؛

جۋرناليست يمانعالي نۇرتىلەۋ؛

 ق ر پارلامەنت ءماجىلىسى VI شاقىرىلىمىنىڭ دەپۋتاتى يرينا ارونوۆا؛

 قازاقستان ۇلتتىق تەلەراديوحابار تاراتۋشىلار قاۋىمداستىعىنىڭ اتقارۋشى ديرەكتورى شولپان جاقسىبايەۆا»، دەلىنگەن حابارلامادا.

 ەسكە سالا كەتەيىك، 7- ناۋرىز كۇنى «تۇمار» قازاقستاندىق جاڭا تەلەۆيزيالىق سىيلىعىنا وتىنىشتەر قابىلداۋ اياقتالدى. جوبانىڭ باستى ماقساتى - سالانى ساپالى دامىتۋعا سەرپىن بەرىپ، قازاقستاندىق جۋرناليستەردىڭ شىعارماشىلىق ىزدەنىسىن ارتتىرۋ.