دەنساۋلىق ساقتاۋ مينيسترلىگى اتا- انالاردىڭ بالالارىنا ەكپە ەككىزۋدەن باس تارتۋ سەبەپتەرىن اتادى
ق ر ورتالىق كوممۋنيكاتسيالار قىزمەتىندەگى بريفينگ بارىسىندا ەلىمىزدىڭ دەنساۋلىق ساقتاۋ مينيسترلىگى مەديتسينالىق كومەكتى ۇيىمداستىرۋ دەپارتامەنتىنىڭ باس ساراپشىسى گۇلنار سارسەنبايەۆا بۇگىنگى تاڭدا قازاقستاندا ماقساتتى توپتاعى بالالاردى ۆاكتسينامەن قامتاماسىز ەتۋى 95 پايىزعا جەتىپ وتىرعانىن باسا ايتتى.
«ياعني، ءبىز دۇنيەجۇزىلىك دەنساۋلىق ساقتاۋ ۇيىمىنىڭ ۇسىنىستارىنا ساي كەلەمىز. سونىڭ ارقاسىندا بۇگىنگى كۇنى بالالار اراسىندا ديفتەريا، پوليوميەليت دەرتتەرىنە شالدىعۋ دەرەكتەرى تىركەلگەن جوق. قىزىلشامەن اۋىرۋ 19 ەسە تومەندەدى»، - دەدى ول ب ا ق وكىلدەرىنىڭ ساۋالىنا وراي. سونىمەن قاتار دەنساۋلىق ساقتاۋ مينيسترلىگىنىڭ وكىلى 1998 -جىلدان باستاپ ب ۆيرۋستىق گەپاتيتىنە ۆاكسينا جۇرگىزگەن ساتتەن بەرى بالالار اراسىنداعى ۆيرۋستىق گەپاتيتپەن اۋرۋ دەڭگەيى مىڭ ەسەگە جۋىق تومەندەپ وتىر.
«دەگەنمەن، قازىرگى ۋاقىتتا اتا- انالاردىڭ ۆاكسينادان باس تارتۋلارى ورىن الىپ جاتقانىن اتاپ وتكەن ورىندى. نەگىزگى سەبەپتەردىڭ ءبىرى اتا- انالاردىڭ جەكە نانىمى جانە ءدىني نانىم- سەنىمى بولۋىندا. سونىمەن قاتار ب ا ق- تاعى تەرىس اقپاراتتارعا بايلانىستى دا باس تارتىپ جاتادى. مۇمكىنشىلىكتى پايدالانا وتىرىپ ب ا ق وكىلدەرىنەن ۆاكسينا ماسەلەسىنە قاتىستى شىنايى جانە سەنىمدى اقپاراتتار بەرۋدى وتىنەمىز»، - دەدى گۇلنار سارسەنبايەۆا.
اۆتور: مارلان جيەمباي
