دۇنيەجۇزىلىك قازاق كۇرەسى فەدەراتسياسىنىڭ جاڭا باسشىسى سايلاندى
جيىندا فەدەراتسيا پرەزيدەنتى سەرىك توكەيەۆ قازاق كۇرەسىنىڭ بۇگىنگى جەتىستىگى، بولاشاعى تاقىرىبىندا كەڭىنەن ءسوز قوزعاپ، بايانداما جاسادى. كەيىن، ول ءوزىنىڭ ورنىن مۇمكىندىگى مول، قارىمدى ازاماتتاردىڭ ءبىرى، قازىرگى تاڭدا ەلىمىزگە بەلگىلى ازامات، سپورت جاناشىرى يسلام ابىشەۆكە تاپسىردى.
ال ءوزى ءبىرىنشى ۆيتسە-پرەزيدەنت بولىپ سايلاندى. سونداي-اق، نۇرلىبەك ەرماعامبەتوۆ باس حاتشى قىزمەتىنە سايلاندى.
كونگرەسكە ۇلتتىق فەدەراتسيالار جانە ءداستۇرلى كۇرەس تۇرلەرى فەدەراتسيالارىنىڭ وكىلدەرى قاتىستى. ولار قازاق كۇرەسىنىڭ جەر شارىنىڭ ءار تۇكپىرىندە قانات جايۋى جانە كەلەشەك دامۋ جولدارىن قاراستىردى.
كونگرەسس جۇمىسىنا امەريكا، افريكا، ەۋروپا جانە ازيا قۇرلىقتارىنان جالپى 50 ەلدىڭ دەلەگاتتارى، قازاقستان رەسپۋبليكاسى مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ قىزمەتكەرلەرى، ۇلتتىق كۇرەستىڭ ارداگەرلەرى جانە بەلگىلى ماماندار قاتىستى.
اۆتور: كۇنسۇلتان وتارباي
