12:52, 13 - ناۋرىز 2017 | GMT +5
وتانىنا ورالعان قارىنداسىمىز حالىقارالىق تۋريردەن قازاقستانعا كۇمىس جۇلدە الىپ بەردى
استانا. قازاقپارات - رەسەيدىڭ دونداعى روستوۆ قالاسىندا تاەكۆوندودان وتكەن حالىقارالىق «Don Cup » تۋرنيرىندە وتانداسىمىز جانسەل دەنيز كۇمىس جۇلدەگەر اتاندى، دەپ حابارلايدى قازاقپارات ءتىلشىسى.
رەسەيدىڭ بۇكىل وبلىستارىنان ەڭ مىقتى سپورتشىلار جينالعان دودادا قازاقستان جاستار قۇراماسى دا قاتىسىپ، ولاردىڭ اراسىنان جانسەل دەنيز كۇمىس جۇلدە جەڭىپ الدى.
ەستەرىڭىزگە سالا كەتەيىك، جانسەل دەنيز جاقىندا بىرىككەن اراب امىرلىگىندە وتكەن حالىقارالىق جارىستا تاعى دا جۇلدەگەرلەر قاتارىنان كورىنىپ، قولا جۇلدە يەلەنگەن. ول قازاقستان قۇراماسى ساپىندا برازيليانىڭ ريو-دە-جانەيرو قالاسىندا وتكەن وليمپيادا ويىندارىنا قاتىستى.
وسى ورايدا ايتا كەتەيىك، جانسەل دەنيز تۇركيادا تۋىپ-وسكەن. ول 2014-جىلى قازاقستان ازاماتتىعىن الىپ، قۇراما قاتارىنا قابىلدانعان.
اۆتور: كۇنسۇلتان وتارباي
