12:39, 13 - ناۋرىز 2017 | GMT +5
ناۋرىز مەيرامىندا وزبەكستان پرەزيدەنتى استانادا بولادى
استانا. قازاقپارات - 22-23-ناۋرىزدا استانادا وزبەكستان پرەزيدەنتى شاۆكات ميرزيەيەۆ ساپارمەن بولادى.
بۇل تۋرالى بۇگىن ماجىلىستەگى ۇكىمەت ساعاتىندا ق ر سىرتقى ىستەر ءمينيسترى قايرات ءابدىراحمانوۆ ءمالىم ەتتى، دەپ حابارلايدى قازاقپارات.
«22-23- ناۋرىزدا استاناعا وزبەكستان پرەزيدەنتىنىڭ الداعى ساپارىنان كەيىن، قازاقستان ەلورداسىنا ورتالىق ازياداعى مەملەكەتتەردىڭ كەيبىر باسشىلارىنىڭ دا ساپارلارى ترانس ۇلتتىق سيپاتتاعى ماسەلەلەر الدىندا ەلدەردىڭ بىرلىگىنىڭ تاعى ءبىر دالەلى بولاتىنىنا سەنىمدىمىن»، - دەدى مينيستر.
وسى ورايدا ق. ءابدراحمانوۆ قازاقستان مەن ورتالىق ازيا ەلدەرى اراسىندا ەكىجاقتى جانە كوپ جاقتى نەگىزدە شەشىلمەگەن ماسەلەلەر جوق ەكەنىن اتاپ ءوتتى.
ەستەرىڭىزگە سالا كەتەيىك، بۇعان دەيىن 2017-جىلعى ناۋرىزدا وزبەكستان پرەزيدەنتى شاۆكات ميرزيەيەۆ قازاقستانعا مەملەكەتتىك ساپارمەن كەلەتىنى بەلگىلى بولدى.
اۆتور: رۋسلان عابباسوۆ
