12:06, 13 - ناۋرىز 2017 | GMT +5
بيزنەسمەندەردىڭ تەڭگەگە دەگەن سەنىمدەرى ارتتى
استانا. قازاقپارات - قازاقستاندىق كاسىپورىنداردىڭ ەكىنشى دەڭگەيلى بانكتەردە دوللارمەن سالعان دەپوزيتتەرى 2015 -جىلدىڭ باسىنان بەرگى ەڭ تومەنگى كورسەتكىشكە ءتۇستى.
2017 -جىلدىڭ قاڭتار ايى قورىتىندىسى بويىنشا، دوللارمەن سالىنعان دەپوزيتتىڭ كولەمى جالپى دەپوزيتتىڭ 53 پايىزىن قۇراپ، 2,2 تريلليون تەڭگە بولدى.
قازاقستاندىق بيزنەس ۇلتتىق ۆاليۋتانىڭ دەۆالۆاتسياسىنىڭ بولۋ مۇمكىندىگىن تومەن باعالاپ، ءوز اقشالارىن تەڭگەمەن جيناي باستاعان. ءبىر جىل بۇرىن كاسىپكەرلەر دەۆالۆاتسيانىڭ بولۋ مۇمكىندىگىن جوعارى باعالاپ، جاپپاي شەتەل ۆاليۋتاسىنا كوشكەن ەدى. ول كەزدە دەپوزيتتەگى شەتەل ۆاليۋتا كولەمى 71 پايىزدى قۇراعان.
شەتەل ۆاليۋتاسىنا قازىر بيزنەستىڭ سۇرانىسى ازايدى. قاڭتاردا KASE- دە ا ق ش دوللارىنىڭ ساۋداسى 1,6 ميلليارد دوللارعا تەڭەستى. بۇل 2006 -جىلدان بەرگى 10 جىل ىشىندەگى ەڭ تومەنگى كورسەتكىش.
سونىمەن قاتار، بيرجادان تىس ساۋدادا دا شەتەل ۆاليۋتاسىنىڭ ايىرباس كولەمى ازايعان.
