ورالدا بوكستان حالىقارالىق تۋرنير مارەگە جەتتى

استانا. قازاقپارات - بۇگىن ورالدا قازاقستان بوكس فەدەراتسياسىنىڭ قۇرمەتتى پرەزيدەنتى بەكەت ماحمۇتوۆتىڭ جۇلدەسى ءۇشىن تۇڭعىش رەت ۇيىمداستىرىلعان جاستار اراسىنداعى حالىقارالىق جارىس مارەگە جەتتى، دەپ حابارلايدى «قازاقپارات» ح ا ا ءتىلشىسى.

فينالدىق جەكپە-جەكتەردى وبلىس اكىمى التاي كولگىنوۆ تاماشالادى. بۇعان دەيىن حابارلاعانىمىزداي، جارىسقا قازاقستان، قىرعىزستان، وزبەكستان، رەسەي جانە جاپونيا ەلدەرىنەن 130-عا تارتا سپورتشى قاتىستى.

تۋرنير بارىسىندا شەبەرلىكتەرىن كورسەتە بىلگەن باتىس قازاقستاندىق قوس بوكسشى نۇرسۇلتان نۇريدەنوۆ (49 كەلى) پەن ءالي اعەدىلوۆ (64 كگ) چەمپيون اتاندى. سونداي- اق ءوز سالماق دارەجەلەرى بويىنشا ريۋتورە ناكاتيكي (52 كەلى)، حاياتو تزۋتسۋمي (56 كەلى، ەكەۋى دە جاپونيادان ، ءالي ەسەنوۆ (60 كەلى، اقتوبە)، نۇركەن نۇرىموۆ (69 كەلى، اتىراۋ)، باۋىرجان بايگونشەكوۆ (75 كەلى، پاۆلودار)، داۋلەت ەسەنوۆ (81 كەلى، قاراعاندى ، جامشيدبەك ماحماداليەۆ (91 كەلى)، ازيزبەك مۋلوجونوۆ (91 كەلىدەن جوعارى، ەكەۋى دە وزبەكستاننان) ۇزدىك شىقتى.

جەڭىمپاز جۇلدەگەرلەردىڭ بارلىعى ديپلومدارمەن جانە مەدالدارمەن ماراپاتتالدى.

اۆتور: ەلجان ەرالى