08:19, 13 - ناۋرىز 2017 | GMT +5
گولوۆكيننىڭ بۇرىنعى قارسىلاسىن رينگتەن زەمبىلمەن الىپ كەتتى
استانا. قازاقپارات - IBF نۇسقاسى بويىنشا ورتا سالماقتاعى بۇرىنعى الەم چەمپيونى داۆيد لەمە امەريكالىق كەرتيس ستيۆەنستى نوكاۋتقا جىبەردى، دەپ حابارلايدى sports.kz.
ايقاس باستالماي جاتىپ قازاقستاندىق گەننادي گولوۆكيننىڭ بۇرىنعى قارسىلاستارى ءبىر-بىرىنە اۋىر سوققىلاردى جاۋدىرا باستادى.
ءۇشىنشى راۋندتا لەمە ستيۆەنستى ارقانعا تاقاپ، سول جاقتان قاتتى سوققى جاسادى. ناتيجەسىندە امەريكالىق سپورتشى تەرەڭ نوكاۋتقا كەتتى.
اتاپ وتىلگەندەي، بوكسشى ەسىنەن تانىپ قۇلاعان. ءبىرشاما ۋاقىتتان كەيىن مەديكتەر ونىڭ ەسىن جيدىرىپ، زەمبىلمەن الىپ كەتتى.
