07:09, 13 - ناۋرىز 2017 | GMT +5
ءپىل زووباق قىزمەتشىسىن تاپتاپ كەتتى
استانا. قازاقپارات - جاپونياداعى Adventure World تانىمال تەماتيكالىق دەمالىس ساياباعىندا ءپىل زووباق قىزمەتشىسىنە شابۋىل جاسادى، دەپ حابارلايدى كيودو اگەنتتىگى.
جانۋارلارمەن جۇمىس مامانى تايلاندتىق ۋيچاي مادي ارىپتەسىمەن بىرگە پىلدەردى شومىلدىرۋ ءۇشىن ەدەن جۋاتىن قۇرالدى الىپ، قاماۋعا كىرەدى.
ءبىرشاما ۋاقىت وتكەن سوڭ، جانۋار اشۋلانىپ، تۇمسىعىمەن ارىبەرى سىلكىلەنەدى. كەيىننەن زووباقتىڭ ءبىر قىزمەتشىسىن تۇمسىعىمەن تەمىر قورشاۋعا لاقتىرىپ جىبەرەدى. سودان سوڭ ءپىل ونى بىرنەشە رەت قاماۋدىڭ ىشىندە سۇيرەلەيدى. وقيعادان كەيىن 37 جاستاعى تايلاند ازاماتى اۋرۋحاناعا جەتكىزىلدى. الايدا، ول العان جاراقاتتارىنىڭ سالدارىنان كوز جۇمدى. جانۋاردىڭ وسى ارەكەتىن مال دارىگەرلەرى انىقتاۋدا.
