بريتانيالىق بوكسشى گولوۆكينمەن كەزدەسۋگە دايىن ەكەنىن جاريا ەتەتىن بولدى

استانا. قازاقپارات - وسىعان دەيىن ءمالىم بولعانىنداي، بريتانيالىق بوكسشى بيللي دجو سوندەرس (24-0, 12 ك و) گەننادي گولوۆكيننىڭ (36-0, 33 ك و) مەن دەنيەل دجەيكوبستىڭ (32-1, 29 ك و) نيۋ-يوركتە وتەتىن كەزدەسۋىنە بارادى، دەپ جازادى Sports.kz.

سوندەرس Madison Square Garden ارەناسىندا  ءوزىنىڭ قولعاپ تۇيىستىرەتىن كەلەسى قارسىلاسى كىم بولاتىنىن جاريا ەتەدى.

ول ەندى گەنناديي گولوۆكينمەن كەزدەسۋى مۇمكىن. «سوندەرستىڭ پروموۋتەرى ۋوررەن وزدەرىنىڭ MSG- دە بولاتىنىن جانە وزدەرىنىڭ كەلەسى قارسىلاستارى تۋرالى جاريا ەتەتىنىن ايتتى. ەندى گولوۆكينگە تەك دجەيكوبستى جەڭۋ عانا قالدى»، - دەپ جازدى تۆيتتەردەگى پاراقشاسىندا Boxing News لي ءتىلشىسى لي گورملي.

وسىعان دەيىن كەيبىر بۇقارالىق اقپارات قۇرالدارىنىڭ وكىلدەرى ورتا سالماقتاعى اتاقتاردىڭ باسىن بىرىكتىرۋ ءۇشىن گولوۆكينگە WBO بەلبەۋى جەتىسپەي تۇرعاندىعىن جازعان. ال بۇل بەلبەۋدى يەگەرى سوندەرسپەن كەزدەسۋ 10 -ماۋسىم كۇنى EXPO حالىقارالىق كورمەسىنىڭ اياسىندا استانادا ءوتۋى مۇمكىن.