الەمدىك سپورت قاۋىمداستىعى بەلبەۋىندە قازاقستاننىڭ تۋى مەن گولوۆكين بەينەلەنەتىن بولدى
مۇنداي وزگەرىستەر گەننادي گولوۆكيننىڭ الەمدىك سپورت قاۋىمداستىعىنداعى ورنى مەن وعان دەگەن سىي-قۇرمەتتىڭ بەلگىسى بولىپ تابىلادى. بۇكىل الەمدىك بوكس كەڭەسىنىڭ (WBC) جاسىل- التىن تۇستەس بەلدىگى سوڭعى 37 جىلدا ءبىرقاتار وزگەرىسكە ۇشىرادى.
سوڭعى وزگەرىس - وعان قازاقستاننىڭ كوك تۋىنىڭ ەنۋى، دەپ حابارلايدى akboxing.ru. WBC بەلبەۋىندە بوكس تاريحىنداعى ەڭ ۇزدىك ءارى ەڭ مىقتىلار بەينەلەنىپ كەلەدى.
ولاردىڭ قاتارىندا مۇحاممەد ءالي، مايك تايسون، لەننوكس ليۋيس، رەي لەونارد، روبەرتو ديۋران، حۋليو سەزار چاۆەس، لارري حولمس، ۆيتاليي كليچكو، مارۆين حاگلەر، توممي حەرنس، وسكار دە لا حويا جانە فلويد مەيۆەزەر بار.
ەندىگىدە، ءوز حالقىنىڭ ابىرويىن اسقاقتاتقان گەننادي گولوۆكينگە قۇرمەت رەتىندە ەلىمىزدىڭ جالاۋىمەن بىرگە ونىڭ بەينەسى الەم مىقتىلارىنىڭ بەلبەۋىندە كورىنىس تاباتىن بولادى. ەسكە سالا كەتەيىك، 18 -ناۋرىز كۇنى گەنناديي گولوۆكين ءوز تيتۋلىن قورعاۋ ءۇشىن امەريكالىق دەنيەل دجەيكوبسپەن جۇدىرىقتاسادى. ايقاس نيۋ-يوركتىڭ مەديسون سكۆەر گاردەن ارەناسىندا وتەدى. جەكپە- جەك قازاقستاندىق تەلەارنالاردان 19 -ناۋرىز كۇنى تاڭەرتەڭگى ساعات 08.00-دە تىكەلەي ەفيردەن كورسەتىلەدى.
