وڭتۇستىك كورەيا جوعارعى سوتىنىڭ ءتورايىمى جۇمىسقا شاشىنا ورالعان بۇيرالاعىشپەن كەلدى

استانا. قازاقپارات - وڭتۇستىك كورەيا كونستيتۋتسيالىق سوتىنىڭ ءتورايىمى ءاپ ساتتە-اق ەڭبەكسۇيگىشتىك نىشانىنا اينالدى.

وعان سەبەپ، ول شاشىنان الىپ تاستاۋعا ۇمىتىپ كەتكەن - بيگۋدي. سۋديا وڭتۇستىك كورەيا پرەزيدەنتىنىڭ يمپيچمەنتىنە قاتىستى ك س ۇكىمىن جاريالاۋى ءتيىس بولعان، دەپ حابارلايدى versia.ru.

وڭتۇستىك كورەيا كونستيتۋتسيالىق سوتىنىڭ ءتورايىمى لي چون مي جۇمىسقا بيگۋدي ورالعان شاشىمەن كەلىپ، ەلدەگى ەڭ ەڭبەكقور ايەل دەگەن اتاققا يە بولدى. 54 جاستاعى ايەل ەل پرەزيدەنتىنىڭ يمپيچمەنتىنە قاتىستى ك س- تىڭ شەشىمىن جاريالاۋعا اسىعىپ، شاش بۇيرالايتىن قۇرالدى باسىنان الىپ تاستاۋدى ۇمىتىپ كەتكەن.

وڭتۇستىك كورەيانىڭ كوپتەگەن ازاماتتارى ءليدىڭ بۇل ارەكەتىن ۇقىپسىزدىق ەمەس، ەڭبەكسۇيگىشتىك پەن ءوز ىسىنە دەگەن ادالدىق رەتىندە قابىلدادى. ەل تۇرعىندارى 2014 -جىلى «سيەۆول» پارومىنىڭ اپاتىنان كەيىن مەملەكەت باسشىسىنىڭ رەزيدەنتسياسىنا شۇعىل تۇردە شاشتاراز شاقىرىلعانىن ەسكە الدى.

انىقتالعانداي، پرەزيدەنت كوڭىل ايتۋ سوزدەرىن شاشىن ساندەمەي جاساعىسى كەلمەگەن. ايتا كەتەيىك، 9 -جەلتوقساندا وڭتۇستىك كورەيا پارلامەنتى پرەزيدەنتتى قىزمەتىنەن بوساتۋدى قولداپ، داۋىس بەردى. اراعا 10 كۇن سالىپ وسى ىسكە قاتىستى العاشقى سوت وتىرىسى ءوتتى. كونستيتۋتسيالىق سوت يمپيچمەنتتى قۇپتادى. وڭتۇستىك كورەيا باسشىسىنىڭ اينالاسىنداعى داۋ-جانجال ونىڭ مەملەكەتتىك قىزمەتكە قاتىسى جوق قۇربىسى چحۆە سۋن سيلمەن بايلانىستى.

بۇل ونىڭ مەملەكەتتىك ساياساتقا ىقپال ەتەتىندىگىن بىلدىرەدى.

بۇدان باسقا، چحۆە ءىرى وڭتۇستىك كورەيالىق كورپوراتسيالاردان قارجى الىپ ءوزىنىڭ كوممەرتسيالىق ەمەس قورلارىنا اۋداردى دەگەن كۇدىككە ىلىنگەن. پروكۋراتۋرا پرەزيدەنتتىڭ بۇل قىلمىستىق ارەكەتكە قاتىسى بار دەپ ەسەپتەيدى.