دەلفينمەن ەمدەۋدىڭ سىرى
استانا. قازاقپارت - دەلفيندى وي- ورىسىنە بايلانىستى "تەڭىزدىڭ ادامدارى" دەپ تە اتايدى. وسىناۋ جۇمباق تىرشىلىك يەسىن عالىمدار مىڭداعان جىل بويى زەرتتەگەن. ەجەلگى زاماندا ادامدار دەلفين رۋحاني قۇلدىراعان جاندارعا كومەكتەسە الادى دەپ سەنگەن.
بۇل - بوس ءسوز ەمەس. بۇگىنگى مەديتسينا دەلفينمەن قارىم- قاتىناس جاساعان ادامنىڭ كوپ اۋرۋىنان ايىعاتىنىن مويىنداپ وتىر. دەلفين پسيحولوگياسىندا اۋىتقۋى بار، جۇيكە جۇيەسى بۇزىلعان جانە كۇيزەلىسكە ءتۇسىپ، شىعا الماي قالعان ناۋقاستارعا جاقسى كومەك بەرەدى. دەلفينوتەراپيا تىرشىلىك يەسىنىڭ ادام جانىنا ىقپال ەتۋىن نەگىزگە الادى. دەلفين - اشىق، مەيىرىمدى جانۋار. باسسەينگە دەلفينمەن بىرگە تۇسكەن ناۋقاستىڭ جانى جايلانادى. وڭاي جاتتىعۋلاردى تەڭىز جانۋارىمەن بىرگە جاساعان ادام ەرەكشە اسەرگە بولەنەدى. دەلفين وزگەشە دىبىس شىعارا الاتىن تىرشىلىك يەسى بولعاندىقتان، بۇل دىبىس تا ناۋقاستىڭ جانىن ەمدەۋدە تاپتىرماس كومەكشى. دەلفين شىعاراتىن ۋلترادىبىس ادام اعزاسىنداعى بارلىق جاسۋشاعا اسەر ەتەدى. دىبىس شىققان سايىن ناۋقاستىڭ اعزاسىنا پايدالى زاتتار تەزىرەك ەنىپ، قان اينالىم جۇيەسى جاقسارادى.
Massaget.kz
