جەزقازعاندىق بالانىڭ داۋسىن ديماش پەن ۆيتاسقا ۇقساتۋدا - كەسكىن
روليكتى ztb_video قولدانۋشىسى جاريالادى. «ديماش پەن ۆيتاستان كەم ەمەس. جەزقازعاندىق ءمادي»، - دەلىنگەن جازبادا. ۆيدەودا جاس بالا ۆيتاستىڭ رەپەرتۋارىنداعى «وپەرا №2» ءانىنىڭ ءبىر شۋماعى مەن قايىرماسىن شىرقايدى.
وسى ۋاقىتتا روليك 184 مىڭ رەت قارالىپ، وعان 2 مىڭنان استام پىكىر قالدىرىلدى. ەسكە سالايىق، قازاقستاندىق ديماش قۇدايبەرگەن قىتايدا ءوتىپ جاتقان «Singer-2017» بايقاۋىنىڭ ەكىنشى كەزەڭىندە رەسەيلىك ورىنداۋشى ۆيتاستى بارشا الەمگە تانىتقان «وپەرا №2» ءانىن ورىنداپ، 1-ورىن يەلەندى.
ءاندى ۆيتاستىڭ داۋىسىنان 4 مودۋلياتسيامەن ەكى تون جوعارى ورىنداعان ديماشتىڭ شەبەرلىگىنە كورەرمەندەر عانا ەمەس، جوباعا قاتىسۋشى انشىلەردىڭ ءوزى تاڭدانىستارىن جاسىرا المادى. كەيىن ۆيتاستىڭ پروديۋسەرى سەرگەي پۋدوۆكين قىتاي تەلەارناسىنا حات جازىپ، ديماش قۇدايبەرگەن ورىنداعان «وپەرا 2» ءانى ءۇشىن نارازىلىق ءبىلدىردى. سودان سوڭ، ءانشى ۆيتاس الەۋمەتتىك جەلىدە ونىڭ ءانىن باسقا ءانشىنىڭ ورىنداۋىنا قاتىستى تۋعان داۋعا بايلانىستى رەسمي مالىمدەمە جاساعان ەدى.
Не хуже Димаша и Витаса 👏 Мади из Жезказгана
