الماتىداعى ەڭ قاۋىپتى جول بولىگى انىقتالدى

استانا. قازاقپارات - قازاقستان بويىنشا جول-كولىك وقيعالارىنىڭ ەڭ كوبى الماتىدا بولىپ جاتادى.

مۇنداي مالىمەتتەردى ق ر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپ كوميتەتىنىڭ باسپا ءسوز قىزمەتى جاريا ەتتى، دەپ حابارلايدى قازاقپارات.

«بيىلعى جىلدىڭ ەكى ايىندا رەسپۋبليكا جولدارىندا 2 مىڭ 59 جول- كولىك وقيعاسى تىركەلىپ، ونىڭ سالدارىنان 2 مىڭ 955 ادام زارداپ شەكتى. 117 ادام قايتىس بولدى. وتكەن ايدا جول- كولىك اپاتتارىنىڭ ەڭ كوبى - 596 الماتىدا بولدى»، - دەلىنگەن حابارلامادا.

بۇل رەتتە اپات ەڭ كوپ ورىن العان جەر - الماتىداعى ش. قالدىاياقوۆ پەن تولە ءبي كوشەسىنە دەيىنگى ارالىق بولىپ وتىر.

وندا 21 جول-كولىك وقيعاسى ورىن الىپ، وندا 12 ادام زارداپ شەكتى جانە 2 ادام قازا بولدى. جول-كولىك اپاتتارىنىڭ قۇربانى بولعاندار جاعىنان الماتى وبلىسى الدا تۇر. بۇل ايماقتا 54 ادام كوز جۇمعان. سونىمەن قاتار ەڭ اۋقىمدى جول- كولىك وقيعاسى دا بيىلعى جىلى الماتى وبلىسىندا ورىن الدى. 3 -اقپان كۇنى الماتى وبلىسىنىڭ الاكول اۋدانىندا قاراستى تەرەكتى اۋىلىندا «Hyndai Sanata» ماركىلى اۆتوكولىگىنىڭ جۇرگىزۋشىسى اۋىلدان شىعار جولدا كولىكتى يگەرە الماي قالىپ، باتىسقا قاراي جىلجىپ بارا جاتقان «Mersedes-Benz»  ماركىلى كولىگىمەن بەتپە-بەت سوعىسقان.
وسى وقيعانىڭ سالدارىنان 8 ادام زارداپ شەگىپ، 4 ادام مەرت بولدى. بيىلعى جىلدىڭ ەكى ايىندا اكىمشىلىك قۇقىقبۇزۋشىلىق كودەكسىنىڭ 610 -بابى بويىنشا (كولىك جۇرگىزۋشىلەرى تاراپىنان بەلگىلەنگەن جولدا ءجۇرۋ ەرەجەلەرىن بۇزۋدىڭ سالدارىنان ادامداردىڭ دەنساۋلىعىنا زيان كەلتىرۋ، كولىك قۇرالىنا نەمەسە جەكە مۇلىككە زيانىن تيگىزۋ) 7 مىڭ 768 ادام، جاۋاپقا تارتىلىپ، ولارىڭ 7 مىڭ 198-ىنە 162,9 ميلليون تەڭگە كولەمىندە ايىپپۇل سالىندى. 
 565 ادام كولىك جۇرگىزۋ قۇقىنان ايىرىلىپ، 4 ادامعا قاتىستى اكىمشىلىك قاماۋعا الۋ شاراسى قولدانىلدى. 262 ازاماتقا قاتىستى ارنايى قۇقىقتاردان ايىرۋ تۇرىندەگى قوسىمشا جاۋاپقا تارتۋ شاراسى قولدانىلدى. بيىلعى جىلى 828 قىلمىستىق قۇقىقبۇزۋشىلىقتار تىركەلىپ، 124 ادامنىڭ ءىسى سوتقا جولداندى.