وندىرىستەگى جازاتايىم وقيعالار ەڭ ءجيى ورىن الاتىن ءوڭىر انىقتالدى
2016 -جىلى ءولىم-جىتىممەن اياقتالعان جازاتايىم جاعدايلارىنىڭ جوعارى سانى تىركەلدى - 27 (2015 -جىلى 9). سوڭعى ەكى جىلدىڭ تالداۋى كورسەتكەندەي (2015 جانە 2016 -جىلدار) وندىرىستە جاراقات الۋ 7 پايىزعا وسكەن.
يندۋستريالى ورتالىق بولعاندىقتان پاۆلودار وبلىسى وندىرىستەگى جازاتايىم جاعدايلار سانى بويىنشا الدىڭعى قاتاردا تۇر. ەگەر 2016 -جىلى زارداپ شەككەندەردىڭ سانى 2015 -جىلمەن سالىستىرعاندا رەسپۋبليكا بويىنشا 2307 دەن 1683 كە دەيىن تومەندەسە، ايماق بويىنشا 164-تەن 191 دەيىن ارتتى. تەكسەرۋ بارىسىندا جۇمىس بەرۋشى جۇمىسكەر الدىنداعى جاۋاپكەرشىلىگىن شەكتەتۋ ءۇشىن ءتۇرلى تاسىلدەردى قولداناتىنى بەلگىلى بولدى.
اسىرەسە، جازاتايىم وقيعالار كەزىندە قىزمەتتەردى كورسەتۋدىڭ «جالعان» شارتتارى نەمەسە مەردىگەرلىك جۇمىستار ۇسىنىلادى. بۇنداي مامىلەلەر ەڭبەك قاتىناستارىنىڭ تۋىنداۋىنا جانە جۇمىس بەرۋشىلەر ءۇشىن «سىرقاتتانۋ پاراقتارىن» تولەۋ، كاسىبي سىرقاتتانۋلاردى تولەۋ سالدارىنا جول بەرمەيدى.
وسىلايشا، 2015 جانە 2016 -جىلدارى توقتاتىلعان 24 قىلمىستىق ءىستىڭ 8 جاعدايىندا جۇمىس بەرۋشى مەن جۇمىسكەر اراسىندا ەڭبەك شارتى جاسالماعان. تاۋ- كەن- مەتاللۋرگيا جانە ەنەرگەتيكا ونەركاسىبى، قۇرىلىس سالالارى وندىرىستىك جاراقاتتانۋعا اسا ىقپالدى بولىپ تابىلادى. %90 دان استام وقيعا پاۆلودار، ەكىباستۇز جانە اقسۋ قالالارىندا ورىن العان.
زارداپ شەككەندەر، كوبىنەسە، «ت ن ك «كازحروم» ا ق- ا ز ف، «اليۋميني كازاحستانا» ا ق، «KSP Steel» جشس ت پ ف، «كاستينگ» ج ش س، «بوگاتىر كومىر» ج ش س، «ە ە ك» ا ق- دا تىركەلدى»، - دەلىنگەن حابارلامادا.
سونىمەن قاتار ۆەدومستۆو اقپاراتىنا قاراعاندا، بىرنەشە جىل بويى اتالعان ۇيىمداردا ۋاكىلەتتى ورگان تاراپىنان كەشەندى تەكسەرۋلەر جۇرگىزىلمەگەن. وتكەن جىلدىڭ جەلتوقسانىندا پروكۋراتۋرا ۋاكىلەتتى مەملەكەتتىك ورگان قىزمەتىنە ءتيىستى تالداۋ جۇرگىزگەن.
تالداۋ ناتيجەلەرى كورسەتكەندەي، مەملەكەتتىك ەڭبەك ينسپەكتورلارى وندىرىستىك جاراقات الۋ دەڭگەيىن ازايتۋ ءۇشىن شارا قولدانبايدى جانە ۋاكىلەتتى ورگاننىڭ قىزمەتىن مۇقيات زەردەلەۋگە نەگىز بولىپ وتىر. ەڭبەك باسقارماسى باسشىسىنىڭ پارامەن ۇستالۋ جاعدايى وسى سالادا قالىپتاسقان جاعدايلاردىڭ شىنايى سەبەپتەرىنىڭ جاسىرىلۋىن دالەلدەيدى.
«وندىرىستەگى جازاتايىم جاعدايلار تۋرالى مەديتسينالىق مەكەمەلەردىڭ ەڭبەك ينسپەكتسياسىنا حابارلاماعان 200-دەن استام فاكتىسى انىقتالدى. سوتقا دەيىنگى 162 تەرگەۋدىڭ باسىم بولىگى قىلمىس قۇرامىنىڭ بولماۋىنا بايلانىستى تەرگەۋشىلەرمەن توقتاتىلدى. ال سوتقا 4 ءىس قانا جىبەرىلدى (2015 جانە 2016 -جىلى 2 ىستەن). تەكسەرۋ بارىسىندا پروكۋراتۋرا قىلمىستىق ءىستى توقتاتۋ تۋرالى وسىنداي 8 شەشىمنىڭ كۇشىن جويدى. وسىنداي امالدى قولدانۋ سەبەپتەرىمەن پروكۋرورلار تالداۋ جۇرگىزۋدە، ءبىراق وسىنداي ءىستى زەرتتەۋگە تەرگەۋدىڭ دايىن ەمەستىگىن قازىردىڭ وزىندە ايتۋعا بولادى. وسىعان بايلانىستى پروكۋراتۋرانىڭ نۇسقاۋى بويىنشا ىشكى ىستەر ورگاندارىندا وسى ساناتتاعى ىستەردى زەرتتەۋ جونىندەگى تۇراقتى جەدەل- تەرگەۋ توبى قۇرىلدى. وبلىس پروكۋراتۋراسى قازىرگى ۋاقىتتا وسى نورمالارعا وزگەرىستەر ەنگىزۋگە باستاماشىلىق ەتتى، پروكۋرورلىق قاداعالاۋ اكتىلەرى ەنگىزىلدى»، - دەلىنگەن ۆەدومستۆو اقپاراتىندا.
