ديماش قۇدايبەرگەن «ساكۋرا فەستيۆالى» كونسەرتىنە قاتىستى - فوتو، كەسكىن

بەيجىڭ. قازاقپارات - بۇگىن ديماش قۇدايبەرگەن ق ح ر حۋنان پروۆينسياسىنىڭ چانشا قالاسىندا وتكەن «ساكۋرا فەستيۆالىنىڭ» اشىلۋ سالتاناتىنا ارنالعان كەشكى كونسەرتكە قاتىستى، دەپ حابارلايدى «قازاقپارات» ح ا ا- نىڭ قىتايداعى مەنشىكتى ءتىلشىسى.

ديماشتىڭ ونەرىنە ءتانتى ازاماتتاردىڭ ءبىرىنىڭ Weibo الەۋمەتتىك جەلىسىنە ورنالاستىرىلعان ۆيدەوسىندا قازاقستاندىق ونەرپازدىڭ «Singer» بايقاۋىنىڭ باعدارلاماسى اياسىندا ايتقان «SOS d'un terrienen détressە»، «كۇزگى مۇڭ»، «Adagio» سياقتى اندەرىن ورىنداعاندىعىن كورۋگە بولادى.

كونسەرتكە كىرەتىن بيلەتتىڭ قۇنى 520 يۋان نەمەسە 24 مىڭ تەڭگە.

ايتا كەتەيىك، بۇگىن حۋنان تەلەارناسىنىڭ ەفيرىنە «Singer» بايقاۋىنىڭ 8- كەزەڭىنىڭ كورسەتىلىمى شىقتى. بۇل كەزەڭدە ديماش 5- ورىن العان بولاتىن.

ديماش اتى اڭىزعا اينالعان قىتاي ءانشىسى حان حۋننىڭ «تاڭ اتتى» ءانىن قىتاي تىلىندە ورىنداعان بولاتىن.



9- كەزەڭنىڭ كورسەتىلىمى سەنبى، 17 -ناۋرىز كۇنى ەفيرگە شىعادى. الايدا، ديماشتىڭ بۇل كەزەڭدە 2- ورىن العانى بەلگىلى. ول تانىمال كانادالىق ءانشى سەلين ديوننىڭ «All bymyself» ءانىن ورىندادى.