ا ق ش- تا قالىپ قويعان الماتىلىق گينەكولوگ ءوز ارەكەتىن ءتۇسىندىردى

استانا. قازاقپارات - بىرنەشە كۇن بۇرىن نۇربول دانياروۆ ءىز-ءتۇسسىز جوعالىپ كەتتى.

الماتىلىق گينەكولوگ ا ق ش- قا بىلىكتىلىگىن ارتتىرۋ ءۇشىن كەتكەن. الايدا ول وتانىنا ورالۋعا ءبىر كۇن قالعان كەزدە جوعالىپ كەتەدى.

نۇربولدى ىزدەۋگە ا ق ش پوليتسەيلەرى دە اتسالىستى. ارتىنشا ونىڭ ءوزى بايلانىسقا شىقتى. ول شەتەلدە قالۋدى ءجون كورگەن ەكەن، - دەپ حابارلايدى «ك ت ك» ارناسى.

بىرنەشە كۇننەن بەرى الەۋمەتتىك جەلى قولدانۋشىلارى شەتەلدە جوعالىپ كەتكەن گينەكولوگ تۋرالى ايتىپ جاتىر.

«تاڭەرتەڭ نۇربولدىڭ نە سەبەپتى تاڭعى اسقا تۇسپەگەنىن تۇسىنبەدىك. ءبىز وتاعا بارۋىمىز كەرەك بولاتىن. ارتىنشا ونى ىزدەۋگە كىرىسىپ كەتتىك. پوليتسيانى دا شاقىرتتىق. ولار ءوز كەزەكتەرىندە نۇربولدىڭ بولمەدەگى زاتتارى تۋرالى سۇرادى. سول ساتتە ونىڭ زاتتارىمەن بىرگە جوعالىپ كەتكەنىنە كوز جەتكىزدىك.

ول جوعالارىنان ءبىر كۇن بۇرىن ريچموند-چيكاگو باعىتى بويىنشا بيلەت العان ەكەن. بار ماسەلە، نۇربولدىڭ ءوز ارەكەتىن دۇرىس دەپ ەسەپتەيتىندىگىندە بولىپ تۇر. ول «مەن ادام ولتىرگەن جوقپىن» دەپ جازدى.

ياعني، ول تەك ادام ءولتىرۋدى قىلمىس دەپ بىلەدى ەكەن. ول كوپتەگەن قازاقستاندىق جانە امەريكالىق دارىگەرلەردى ۇياتقا قالدىردى...»، - دەيدى كۋرس ۇيىمداستىرۋشىسى نۇرگۇل ساليەۆا.

نۇربول مىرزا جانە ونىڭ ءۇش ارىپتەسى اتالعان ەلگە 25- اقپان كۇنى بارعان. ولار ەكى اپتا بويى امەريكا دارىگەرلەرىنەن وتا جاساۋدىڭ وزىق تاسىلدەرىن ۇيرەنگەن.

«مەن قاشقان جوقپىن جانە ەشكىمگە ەشنارسە مىندەتتى ەمەسپىن! كەلە سالىسىمەن بارلىق اقشانى اتقارۋشى ديرەكتورعا بەردىم. مەنى مەملەكەتىمە قۇبىجىق ەتىپ تانىستىرىپ وتىرسىزدار. بۇل كومپانيامەن مەن ءتىپتى ەڭبەك شارتىن جاساسقان جوقپىن. باستاپقىدا جاسالۋىن بارىنشا قالاعان ەدىم. ولاردىڭ ماعان دەگەن بۇل قارىم-قاتىناسى مۇلدەم ۇناماي تۇر. بارعانشا باسقاشا، سول جەرگە جەتكەن سوڭ باسقاشا سويلەپ شىقتى. سەنبەڭىزدەر، مەن ەشكىمدى الداعان جوقپىن. اسىرەسە، ءوزىمنىڭ وتانىمدى»، - دەيدى نۇربولدىڭ ءوزى.

نۇربول دانياروۆ ۇشاققا بيلەتتى ءوزى ساتىپ العان ەكەن. ونىڭ ايتۋىنشا، ارىپتەستەرى وعان جالا جاۋىپ وتىر. ءدال قازىر ول ەڭبەك دەمالىسىندا. جۋىردا ەلگە قايتا ورالماق.