الماتى مەتروسىندا كەزەكتى جەمقورلىق داۋى تۋىندادى

استانا. قازاقپارات - «الماتى مەترو قۇرىلىستا» بيۋدجەتتىڭ ميللياردتارى تاعى تالان-تاراجعا تۇسكەن بولۋى مۇمكىن.

وسىنداي كۇدىكپەن مەملەكەتتىك كىرىس دەپارتامەنتى تەكسەرۋ جۇرگىزىپ جاتىر دەپ حابارلايدى «ك ت ك» ارناسى.

ماماندار الماتىنىڭ جەراستى جولى قۇرىلىسىنا بولىنگەن 7 ميلليارد 700 ميلليون تەڭگە قولدى بولدى دەپ كۇدىكتەنەدى. ءبىراق، ناقتى ادامداردىڭ اتتارى ايتىلماي وتىر. ەسكە سالساق، مەترودان ميللياردتاردىڭ ۇرلانۋى ءبىرىنشى رەت ەمەس.

وسىنىڭ الدىندا، مەكەمەنىڭ بۇرىنعى ديرەكتورى مۇرات وكشەبايەۆ 9 جىلعا باس بوستاندىعىنان ايىرىلعان بولاتىن.

ەكس-ديرەكتور ەكى سىبايلاسىمەن بىرگە، قۇرىلىس ماتەريالدارىن قاعاز جۇزىندە ون ەسەگە دەيىن قىمبات كورسەتىپ، ۇستىندەگى اقشانى ءوزارا ءبولىسىپ وتىرعان.

ءبىراق، وكشەبايەۆ بۇل قىلمىسى ءۇشىن كوپ وتىرمايتىن سىڭايلى. ويتكەنى، راقىمشىلىققا ىلىگىپ، كەسىلگەن جازاسىنىڭ جارتىسى قىسقارتىلىپتى.