قازاقستاندىق بوكسشى ەيۋبوۆ ا ق ش- تاعى جەكپە-جەگىندە جەڭىسكە جەتتى

استانا. قازاقپارات - بۇگىن قازاقستاندىق بوكسشى باحتيار ەيۋبوۆ ا ق ش- تا ءوزىنىڭ 12-جەڭىسىنە قول جەتكىزدى، دەپ حابارلايدى قازاقپارات ءتىلشىسى.

بوكس كەشى ا ق ش- تاعى دەترويت قالاسىندا MGM Grand Detroit ارەناسىندا ءوتتى. جەرلەسىمىز بۇل جولى جەرگىلىكتى بوكسشى گيلبەرت ۆەنەگاسپەن (15-26-5,  8 ك و) جۇدىرىقتاستى.

التى راۋندتىق جەكپە-جەكتە ەيۋبوۆ قارسىلاسىن 60-54, 59-55, 60-54 ۇپاي سانىمەن ۇتىپ كەتتى.

وسىلايشا جەرلەسىمىز كاسىپقوي بوكستاعى ون ەكىنشى جەڭىسىنە قول جەتكىزدى. كەشتىڭ باستى كەزدەسۋى رەسەيلىك نيكولاي پوتاپوۆ پەن امەريكالىق انتونيو نيەۆەس اراسىندا ءوتتى.

بوكس كەشىن امەريكالىق Showtime تەلەارناسى تىكەلەي ەفيردە كورسەتتى.

اۆتور: كۇنسۇلتان وتارباي