كاسىپكەرلەر كەدەندىك باج سالىعىن ءبولىپ تولەي الادى
دەپ حابارلايدى قازاقپارات.
«باج جانە وزگە دە سالىقتاردى كاسىپكەرلەر ءبولىپ تولەي الادى. بۇرىنعى زاڭناما بويىنشا، كەدەندىك تولەمدەردى تولەۋدە تەك جاناما سالىقتاردى ءبولىپ تولەۋگە بولاتىن ەدى»، - دەپ اتاپ ءوتتى ارمان دجاليتوۆ.
ەاەو كەدەندىك كودەكسى كۇشىنە ەنگەننەن كەيىن، كاسىپكەرلەر تاۋاردى شەكارادان وتكىزۋ كەزىندە الىناتىن كەدەندىك باج سالىعىن تولەۋ مەرزىمىن ءبىر ايعا دەيىن سوزا الادى.
«التى ايعا دەيىن سوزۋ تەك شەكتەۋلى جاعدايلاردا عانا بولادى. ياعني، تابيعي، تەحنولوگيالىق اپاتتاردى جويۋ ءۇشىن تاۋارلاردى تاسىمالداۋ كەزىندە. سونىمەن قاتار مەملەكەتتىك بيۋدجەتتەن قارجىلاندىرۋ كەشىكتىرۋ وقيعالارى دا ەسكەرىلگەن»، - دەيدى باسقارما باسشىسىنىڭ ورىنباسارى.
باسقارمانىڭ پىكىرىنشە، بۇل جاڭاشىلدىق شاعىن جانە ورتا بيزنەس ءۇشىن وتە وڭتايلى. سەبەبى ولار كەدەندىك تولەمدەردى تاۋاردى ساتقاننان كەيىن وتەي الادى.
اۆتور: جاسۇلان جولدىبايەۆ
